05.11.2024 | 15:28
Ընտրություններին միջամտելը մնում է ՌԴ-ի նպատակը. ԱՄՆ հատուկ ծառայություններ
Քննարկվել է ԵՄ աջակցության շրջանակներում իրականացվող Թվինինգ ծրագրերի ընթացիկ իրավիճակը
Տնտեսություն
26.10.2018 | 19:19
ՀՀ տնտեսական զարգացման և ներդրումների նախարարի տեղակալի պաշտոնակատար Մանե Ադամյանը հոկտեմբերի 25-ին հանդիպում է ունեցել Հայաստանի Հանրապետությունում Եվրոպական Միության պատվիրակության ներկայացուցիչների հետ:
Կողմերը քննարկել են ԵՄ աջակցության շրջանակներում իրականացվող Թվինինգ ծրագրերի ընթացիկ իրավիճակը: Մասնավորապես, քննարկումը ծավալվել է քաղաքացիական պաշտպանության, արդարադատության ոլորտում և էլեկտրոնային կառավարման համակարգում Թվինինգ ծրագրերի նկարագրերի, ինչպես նաև այլ ոլորտներին առնչվող ծրագրերի հատկորոշման շուրջ:
Հանդիպման ընթացքում անդրադարձ է եղել նաև 2017 և 2018 թվականների ԵՄ տարեկան գործողությունների ծրագրերով Հայաստանի Հանրապետության համար նախատեսված տեխնիկական աջակցության ծրագրերին, 2019 թվականի ԵՄ տարեկան գործողությունների ծրագրի ներքո աջակցության առաջնային ուղղությունների նախանշման հարցերին, ԵՄ բյուջետային աջակցության ֆինանսավորման համաձայնագրերի շրջանակում իրականացվող աշխատանքների ընթացիկ իրավիճակին, ինչպես նաև հետագա համագործակցությանն առնչվող մի շարք հարցերի:
