19.05.2026 | 11:20
Դիմում ենք Հայաստանում հավատարմագրված դեսպաններին ու դիտորդներին. «Հայաստան» դաշինքի հայտարարությունը
Հանրային լսումները դադարեցվել են կամայականորեն, պետք է անվավեր ճանաչվեն. Դուլգարյան․ ՏԵՍԱՆՅՈՒԹ
Տնտեսություն
13.10.2025 | 16:50
«Հանրային լսումները դադարեցվել են կամայականորեն, պետք է անվավեր ճանաչվեն»,- Կարմիր սարի շահագործման թեմայով անցկացված հանրային լսման մասին կարծիք է հայտնում իրավապաշտպան Օլեգ Դուլգարյանը։
«Սկզբից մինչև վերջ փորձել ենք այնպես դրսևորվել, որպեսզի համայնքի բնակիչները խոսեն, չենք միջամտել, չենք խանգարել։ Այն մարդիկ, ովքեր դեմ էին արտահայտվում,անմիջապես տեղական իշխանությունների ներկայացուցիչների կողմից սաստվում էին, կարծես թե տեղական իշխանությունները ստանձնել էին պաշտպանության դեր, որպեսզի պաշտպանեն տվյալ նախագիծը, այն դեպքում, երբ որ նրանք պետք է մաքսիմալ չեզոքություն պահպանեն»,- ասաց Դուլգարյանը։
Նշենք, որ Արարատի մարզի Վեդի համայնքի Գինեվետ գյուղում այսօր հրավիրված հանրային լսումն անցավ լարված մթնոլորտում։ Տեղական ինքնակառավարման մարմինները և «Օրդ Գրուպ» ՍՊԸ-ն հանրային լսում էին հրավիրել՝ Կարմիր սարի կրաքարային մերգելների օգտակար հանածոյի արդյունահանման աշխատանքների վերաբերյալ։ Այսօր 1-ին լսման օրն էր: Համայնքի կողմից դրական եզրակացություն ստանալուց հետո ընկերությունը պետք է փորձագիտական հետազոտություն իրականացնի և երկրորդ լսումը հրավիրի։
Մանրամասները՝ տեսանյութում։
