16.02.2026 | 14:32
Պեսկովը հայտնել է, որ տարածքների հարցը կքննարկվի Ժնևում Ուկրաինայի վերաբերյալ բանակցություններում
Եվրախորհրդարանը բանաձև է ընդունել՝ ԵՄ-ին կոչ անելով «վճռականություն ցուցաբերել» ՌԴ-ի կողմից օդային տարածքի խախտումների պատասխանի դեպքում
Քաղաքականություն
09.10.2025 | 18:21
Եվրախորհրդարանը բանաձև է ընդունել, որով կոչ է անում ԵՄ-ին «վճռականություն ցուցաբերել» Ռուսաստանի օդային տարածքի խախտումներին արձագանքելու հարցում, հայտնում է BBC-ի ռուսական ծառայությունը։
Բանաձևի ընդունման պատճառը ԵՄ-ի և ՆԱՏՕ-ի անդամ պետությունների՝ Լեհաստանի, Էստոնիայի, Լատվիայի, Լիտվայի և Ռումինիայի օդային տարածքի վերջին խախտումներն են։
«Համակարգված գործողություններ, ավելի ուժեղ պաշտպանություն և պատժամիջոցներ են անհրաժեշտ ԵՄ անվտանգության և ենթակառուցվածքների դեմ ուղղված ռուսական սադրանքներին հակազդելու համար»,- նշվում է փաստաթղթում։
Պատգամավորները նաև կոչ են արել ԵՄ-ին խստացնել պատժամիջոցներն այն երկրների նկատմամբ, որոնք անմիջականորեն օգնում են Ռուսաստանին (Իրան, Հյուսիսային Կորեա, Բելառուս), ինչպես նաև չինական ընկերությունների նկատմամբ, որոնք մատակարարում են կրկնակի նշանակության ապրանքներ և ռազմական արտադրանք, որն անհրաժեշտ է անօդաչու թռչող սարքերի և հրթիռների արտադրության համար։
Բանաձևն ընդունվել ձայների 469 կողմ, 97 դեմ և 38 ձեռնպահ հարաբերակցությամբ։
Թարգմանությունը՝ Էմմա Չոբանյանի
