12.10.2026 | 14:44
Տնտեսագիտության ոլորտում Նոբելյան մրցանակի են արժանացել ամերիկացի երկու գիտնականներ
Վիճակախաղերի և ինտերնետ շահումով խաղերի արգելումը կոռուպցիոն ռիսկ է պարունակում․ գործադիրը խնդրի այլ լուծում է փնտրում․ ՏԵՍԱՆՅՈՒԹ
Քաղաքականություն
25.10.2018 | 14:01
Ազգային ժողովի ՀՀԿ-ական պատգամավորներ Սամվել Ֆարմանյանն ու Միհրան Հակոբյանը գործադիրի հավանությանն են ներկայացրել օրենսդրական նախաձեռնություն, որով նախատեսվում է արգելել վիճակախաղերի և ինտերնետ շահումով խաղերի կազմակերպումն ու դրանց մասնակցությունը։
ՀՀ ֆինանսների նախարարի պաշտոնակատար Ատոմ Ջանջուղազյանը գործադիրին առաջարկեց ձեռնպահ մնալ այս որոշումն ընդունելուց, քանի որ արգելելով խնդիրը չի լուծվում։
«Այսօր այդ հարցը կարգավորված է, միգուցե, լրացուցիչ կարգավորումների կարիք կա։ Բացի այդ, կա ԱԺ այլ պատգամավորների ներկայացրած նախագիծ, որի վերաբերյալ մեր տեսակետն արտահայտել ենք։ Միևնույն ժամանակ, Կառավարությունը ևս ունի օրենքում փոփոխություններ կատարելու նախաձեռնություն, որը կներկայացվի Ազգային ժողովին։ Այս արգելքը, բացի լրացուցիչ խնդիրներից, կոռուպցիոն ռիսկերից որևէ այլ էֆեկտ չի կարող տալ»,- ասաց Ջանջուղազյանը։
Կառավարությունը Սամվել Ֆարմանյանի և Միհրան Հակոբյանի ներկայացրած որոշման նախագիծը չընդունեց։
Մանրամասները՝ տեսանյութում։
