02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Պետական բյուջեի փողերը թալանում եք, դուք թալանչի եք․ Մեսրոպ Մանուկյանը՝ ՔՊ-ին․ ՏԵՍԱՆՅՈՒԹ
Քաղաքականություն
12.10.2026 | 13:52
Ազգային ժողովում ընթացող քննարկումների ժամանակ ընդդիմադիր պատգամավոր Մեսրոպ Մանուկյանն իր ելույթում մատնանշեց Կառավարության որոշումներն ու ֆինանսական հատկացումները՝ հայտարարելով, որ Կառավարությունը 1 միլիարդ դրամի պետական վարկ է տրամադրում 1% տոկոսադրույքով, ինչպես նաև 7.9 միլիարդ դրամ է հատկացնում։
Պատգամավորը կասկած հայտնեց «Մերիդիան» ցուցահանդեսային կենտրոնին հատկացվող միջոցների նպատակահարմարության վերաբերյալ․ «Ուզում եմ հասկանալ՝ մասնավոր ընկերությունում կարո՞ղ է իշխանություն փոխվի, պարզվի «Մերիդիանում» մի քիչ էլ փայ եք։ Շատ ուղիղ եմ այդ հարցը տալիս»։
Ընդդիմադիր պատգամավորը նշեց, որ ֆինանսական պարզ հաշվարկների համաձայն՝ «Մերիդիանի» տարածքը վարձակալելու փոխարեն պետությունը կարող էր ինքնուրույն գույք ստեղծել, որը կմնար պետական սեփականություն։ Նրա փոխանցմամբ՝ նվազագույնը 302 միլիոն դրամ վարձակալության գումար տալն անտրամաբանական է։ Մանուկյանը հավելեց, որ ընդդիմությունը պայքարում է պետական բյուջեի «թալանի» դեմ․ «Պետական բյուջեի փողերը թալանում եք, դուք թալանչի եք»։
Ռուբեն Ռուբինյանը հորդորեց Մեսրոպ Մանուկյանին մնալ կոռեկտության սահմաններում․ «Իմ նախկին ղեկավարի մոտից չեն էլի գտել զինվորների համար նախատեսված տուշոնկեք․ ամոթն էլ է լավ բան»։
Մանրամասները՝ տեսանյութում։
Եվգենյա Համբարձումյան
