17.12.2025 | 09:32
Վարդենյաց լեռնանցքում տեղ-տեղ առկա է մերկասառույց
Նախկին վարչապետ Կարեն Կարապետյանը, հնարավոր է, նոր պաշտոն ստանա Ռուսաստանում. «Կոմերսանտ»
Հասարակություն
25.10.2018 | 11:17
Հայաստանի նախկին վարչապետ Կարեն Կարապետյանը կարող է ընդգրկվել «Զարուբեժնեֆտի» («Зарубежнефти») տնօրենների խորհրդում: Այս մասին հայտնում է «Կոմերսանտը»:
Պարբերականի աղբյուրի տվյալներով՝ նա կարող է ստանալ անկախ տնօրենի պաշտոնը, որը հիմա զբաղեցնում է ֆինանսիստ Հրայր Սիմոնյանը:
Այս նշանակումը, ըստ աղբյուրի, կարող է լինել ինչպես քաղաքական ժեստ, այնպես էլ 2000-2010 թվականներին ռուսական պետական ընկերություններում Կարեն Կարապետյանի երկարատև կարիերայի արդյունք:
Ընկերությունում նշել են, որ նշանակման որոշում դեռևս չունեն, սակայն չեն հերքել դրա նախապատրաստման հնարավորությունը:
Հիշեցնենք, որ Կարեն Կարապետյանը Հայաստանի վարչապետի պաշտոնը ստանձնեց 2016 թվականին և հրաժարական տվեց այս տարվա գարնանը զանգվածային ակցիաների արդյունքում տեղի ունեցած հեղափոխությունից հետո:
