19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Հասկանում եք, չէ՞ հաշվառվածի և կոնկրետ տարում արձանագրվածի տարբերությունը․ խոսնակը՝ պատգամավորին
01.10.2025 | 16:02
ՀՀ առողջապահության նախարարության խոսնակը անդրադարձել է ՀՀ ԱԺ «Հայաստան» խմբակցության պատգամավոր Ագնեսա Խամոյանի՝ ԱԺ ամբիոնից հնչեցրած հայտարարությանը, ըստ որի՝ քաղցկեղով հիվանդին ՀՀ ԱՆ-ն 150 000 դրամ է տալիս՝ նշելով, որ դա չնչին գումար է, միայն ցավազրկողի գինն է
«Ինչպե՞ս կարելի է վիճակագրության հանդեպ լինել այսչափ անզգույշ, երբ հատկապես այն վերաբերում է մարդուն, մարդկային կյանքին:
Տիկին Խամոյանը ԱԺ բարձր ամբիոնից քիչ առաջ հայտարարում է, թե «…Միայն 2024 թվականին 50 հազար քաղաքացու մոտ արձանագրվել է քաղցկեղ հիվանդությունը»: Այնինչ, ինչպես ի պատասխան նրա գրավոր հարցմանն ենք ներկայացրել, հիմա ևս վերահաստատում եմ.
2024 թվականի դրությամբ ՀՀ-ում ՀԱՇՎԱՌՎԱԾ Է քաղցկեղ ունեցող 50 հազ. քաղաքացի, որոնցից առաջնակի հիվանդներն են 7000-ը: Հասկանում եք, չէ՞ 50 հազարի և 7 հազարի տարբերությունը: Հասկանու՞մ եք, չէ՞ հաշվառվածի և կոնկրետ տարում արձանագրվածի տարբերությունը:
Մի՛ մոլորեցրեք ժողովրդին` տագնապային տրամադրություններ տարածելու փորձերով», – գրել է խոսնակ Մարիամ Ծատրյանը։
