30.07.2026 | 13:33
Հայաստանի պատանի ինֆորմատիկները Եվրոպական օլիմպիադայում 4 մեդալ են նվաճել
Քաղցկեղով հիվանդին 150 000 դրամ եք տալիս, ցավազրկողի գինն է․ Ագնեսա Խամոյան. ՏԵՍԱՆՅՈՒԹ
Հասարակություն
01.10.2025 | 14:00
«2024 թվականին 50 հազար քաղաքացու մոտ արձանագրվել է քաղցկեղ հիվանդություն»,- ԱԺ-ում իր ելույթի ժամանակ ասաց ընդդիմադիր պատգամավոր Ագնեսա Խամոյանը։
Ըստ նրա՝ սխալ է տպավորությունը, թե ՀՀ-ում չարորակ նորագոյացություններով
հիվանդների բուժումն անվճար է։ Նա ներկայացրեց Առողջապահության
նախարարությանն ուղղված հարցման պատասխանը։
«Փոխհատուցվում են չարորակ նորագոյացություններով հիվանդների քիմիաթերապևտիկ բուժման ամբողջ ծավալը՝ բացառությամբ քիմիաթերապևտիկ դեղերի։ Խնդրում եմ
բացատրեք, թե ո՞նց է հնարավոր բուժել քաղցկեղը առանց քիմիապրեպարատի, որոնք բավականին թանկ են։ Քաղցկեղով հիվանդին 150 000 դրամ եք տալիս, դա չնչին գումար է, միայն ցավազրկողի գինն է»,-նշեց Խամոյանը, ապա շարունակեց․
«Շատ պրեպարատներ գրանված չեն ՀՀ-ում, օրինա՝կ ոսկրածուծի փոխպատվաստման մի պրեպարատ կա, որը գրանված չէ ՀՀ-ում, բայց կարող եք գտնել ՀՀ տարատեսակ
նկուղներում։ Սա խնդի՞ր է, թե՝ ոչ։ Մարդը, որը չունի գումար, դատապարտված
է մահվան, հիվանդանալու և հիվանդանոց ընկնելու իրավունք չունի»։
Նշենք, որ ԱԺ նիստում քննարկվում է առողջապահության հարցերի մշտական հարցերի հանձանժողովի նախագահի թեկնածուի ընտրության հարցը։ ՔՊ-ն առաջադրել է Հռիփսիմե Հունանյանի թեկնածությունը։
Մանրամասները՝ տեսանյութում։
Մանյա Պողոսյան
