31.05.2026 | 11:40
Honda մակնիշի ավտոմեքենան բախվել է էլեկտրական սյանը և բռնկվել
«Ազգային ճգնաժամի և կառավարման ձախողման մասին» ԱԺ հայտարարության նախագծի վերաբերյալ լսումներ․ ՈՒՂԻՂ
Քաղաքականություն
26.09.2025 | 12:07
ԱԺ «Պատիվ ունեմ» խմբակցությունը «Ազգային ճգնաժամի, կառավարման ձախողման հիմքերով ՀՀ վարչապետին անվստահություն հայտնելու մասին» Ազգային ժողովի հայտարարության նախագիծ է ներկայացրել։
«Նիկոլ Փաշինյանի ղեկավարած կառավարությունը ոչ միայն չի կատարել իր պարտականությունները՝ էականորեն շեղվելով իր իսկ ներկայացրած և խորհրդարանական մեծամասնության հավանությանն արժանացած կառավարության ծրագրից, այլև չի կարողացել արդյունավետորեն արձագանքել պետության առջև ծառացած մարտահրավերներին՝ հաճախ դառնալով նոր մարտահրավերների առաջացման պատճառ։
Այսօրվա կառավարիչների գործունեությունը հանգեցրել է համակարգային ճգնաժամի պետական կառավարման բոլոր մակարդակներում: Այդ քաղաքականությունն աղետալի հետևանքներ է ունեցել ազգային անվտանգության, պետական ինքնիշխանության, ժողովրդավարության, սոցիալ-տնտեսական և ազգային կյանքի բոլոր ոլորտներում, լրջագույն խնդիրներ առաջացնելով Հայաստանի Հանրապետության համար՝ վտանգի տակ դնելով նաև երկրի ապագան»,- ասված է այդ հայտարարությունում։
Ավելի վաղ խմբակցության ղեկավար Հայկ Մամիջանյանն ասել էր, որ խորհրդարանական լսումների նպատակն է խորհրդարանական և արտախորհրդարանական ուժերի համախմբումը։ Նա նաև նշել էր, որ լսումների ընթացքում ներկայացնելու են վարչապետին անվստահություն հայտնելու վերաբերյալ իրենց ծրագիրը։
Մանրամասները՝ տեսանյութում։
