ՌԴ-ն լիարժեք պատասխանատվություն է կրում․ ՆԱՏՕ-ի զգուշացումը Ռուսաստանին՝ օդային տարածքների խախտումների հետ կապված

Լուրեր

07.12.2025 | 14:21
Մեսի․ Սա այն պահն է, որին ես սպասում էի
07.12.2025 | 13:57
«50 հազարով թաղում անող», «Գնա, նզովյալ»․ վիճաբանություն քաղաքացու և քահանայի միջև․ ՏԵՍԱՆՅՈւԹ
07.12.2025 | 13:53
Թե որքան ուժեր են անհրաժեշտ, ոստիկանությունն է որոշում․ ոստիկանապետ․ ՏԵՍԱՆՅՈւԹ
07.12.2025 | 13:46
Եկել է ժամանակը Մայր Աթոռում անցկացնել պատարագը․ Ալեն Սիմոնյան․ ՏԵՍԱՆՅՈւԹ
07.12.2025 | 13:04
Պյոտր Յանը հասել է ռևանշի ու վերադարձրել UFC-ի չեմպիոնի տիտղոսը․ ՏԵՍԱՆՅՈՒԹ
07.12.2025 | 13:01
Ի՞նչ անել երկրաշարժի ժամանակ, եթե գտնվում եք հանրային տրանսպորտում․ վարքականոններ՝ վարորդների և ուղևորների համար
07.12.2025 | 12:30
Հարավ-արևմուտքից ակտիվ ցիկլոն է ներթափանցում․ հանրապետության ողջ տարածքում տեղումներ են սպասվում
07.12.2025 | 12:22
Յոթ Վերքից դուրս բերեցին Գարեգին Բ-ի անունը հնչեցրած երիտասարդ աղջկան
07.12.2025 | 12:05
Ով է պատարագիչ քահանան Յոթ Վերք եկեղեցում
07.12.2025 | 12:02
«Ինտեր Մայամին»` MLS-ի չեմպիոն, Բուսկետսն ու Ալբան ավարտեցին կարիերան․ ՏԵՍԱՆՅՈՒԹ
07.12.2025 | 12:00
Ես իմ հայրենիքի համար եմ եկել. Փաշինյանի հետ Գյումրիում պատարագի մասնակցող քաղաքացի․ ՏԵՍԱՆՅՈւԹ
07.12.2025 | 11:40
ԱԱ․ Հայ բռնցքամարտիկների հաղթարշավը շարունակվում է
07.12.2025 | 11:26
Նիկոլ Փաշինյանը Յոթ Վերքում է․ եկեղեցում են արքեպիսկոպոսներ Կճոյանը, Միրզախանյանն ու Ադամյանը, եպիսկոպոս Սարոյանը
07.12.2025 | 11:23
Արեք բոլորիս ձերբակալել, չի կարելի եկեղեցու դռները փակել. գյումրեցի. ՏԵՍԱՆՅՈւԹ
07.12.2025 | 11:20
Փաշինյանը իր այցի պատճառով եկեղեցու դռները փակելու մասին հարցն անպատասխան թողեց․ ՏԵՍԱՆՅՈւԹ
Բոլորը
ՆԱՏՕ-ն դատապարտել է Ռուսաստանին անցյալ շաբաթ Էստոնիայի օդային տարածքը խախտելու համար և հայտարարել, որ կօգտագործի «բոլոր անհրաժեշտ ռազմական և ոչ ռազմական գործիքները՝ պաշտպանվելու համար», քանի որ բախվում է Մոսկվայի կողմից «աճող անպատասխանատու վարքագծի» օրինաչափության հետ, գրում է Reuters-ը։
Էստոնիան նախորդ ուրբաթ հայտարարել էր, որ ռուսական երեք ՄիԳ-31 կործանիչներ 12 րոպեով խախտել են իր օդային տարածքը՝ մինչև ՆԱՏՕ-ի իտալական կործանիչների ուղեկցությամբ դուրս մղվելը։ Արևմտյան պաշտոնյաների կարծիքով՝ միջադեպը, հավանաբար, նախատեսված էր ՆԱՏՕ-ի պատրաստվածությունն ու վճռականությունը ստուգելու համար։

Միջադեպը տեղի է ունեցել մոտ 20 ռուսական անօդաչու թռչող սարքերի՝ Լեհաստանի օդային տարածք մուտք գործելուց մեկ շաբաթ անց, ինչը ստիպել էր ՆԱՏՕ-ի ինքնաթիռներին խոցել դրանցից մի քանիսը։

«Ռուսաստանը կրում է այս գործողությունների լիարժեք պատասխանատվությունը, որոնք սրում են իրավիճակը։ Կարող են սխալ հաշվարկներ անել և վտանգել կյանքեր։ Դրանք պետք է դադարեցվեն։ Ռուսաստանը չպետք է կասկածի, ՆԱՏՕ-ն և դաշնակիցները, միջազգային իրավունքի համաձայն, կօգտագործեն բոլոր անհրաժեշտ ռազմական և ոչ ռազմական գործիքները՝ պաշտպանվելու և բոլոր ուղղություններից եկող սպառնալիքները կանխելու համար։ Մենք կշարունակենք արձագանքել մեր ընտրած ձևով, կարգով և տարածքում»,- ասվում է դաշինքի Հյուսիսատլանտյան խորհրդի հայտարարության մեջ։

Երեքշաբթի Դաշինքի անդամ 32 երկրների դեսպաններից կազմված Հյուսիսատլանտյան խորհրդի նիստը հրավիրվել էր Էստոնիայի կողմից՝ համաձայն ՆԱՏՕ-ի հիմնադիր պայմանագրի 4-րդ հոդվածի։ Ըստ հրապարակման՝ դաշնակիցները «կխորհրդակցեն միմյանց հետ, երբ նրանցից որևէ մեկի կարծիքով սպառնալիքի տակ հայտնվի դաշինքի անդամի տարածքային ամբողջականությունը, քաղաքական անկախությունը կամ անվտանգությունը»։

ՆԱՏՕ-ի 76-ամյա պատմության մեջ իններորդ անգամն է, որ այս հոդվածը կիրառվում է, և այդ դեպքերից երկուսը տեղի են ունեցել այս ամսվա ընթացքում՝ Լեհաստանի և Էստոնիայի շուրջ տեղի ունեցած միջադեպերին ի պատասխան։

«Ռուսաստանի այս և այլ անպատասխանատու գործողությունները չեն խանգարի դաշնակիցներին կատարել իրենց անսասան պարտավորությունները՝ աջակցելու Ուկրաինային, որի անվտանգությունը նպաստում է մեր անվտանգությանը՝ Ռուսաստանի դաժան և չհրահրված ագրեսիվ պատերազմի դեմ ինքնապաշտպանության իր անբաժանելի իրավունքն իրացնելու գործում»,- ասվում է ՆԱՏՕ-ի հայտարարության մեջ։

Թարգմանությունը՝ Էմմա Չոբանյանի