02.11.2026 | 10:56
Սիսիանում զբոսայգիների տարածքներից 16 հողամաս վերադարձվել է համայնքին․ Վարդապետյանը հանձնարարականներ է տվել
Բաքվի Անվտանգության ֆորումի ավարտին հռչակագիր է ընդունվել․ միջոցառմանը մասնակցել է նաև ՀՀ ԱԱԾ տնօրենը․ ՏԵՍԱՆՅՈՒԹ
Քաղաքականություն
22.09.2025 | 19:42
Սեպտեմբերի 21-ին Ադրբեջանի պետական անվտանգության ծառայության (ՊԱԾ) կազմակերպչական աջակցությամբ շուրջ 90 երկրների հատուկ ծառայությունների ղեկավարների և բարձրաստիճան ներկայացուցիչների մասնակցությամբ անցկացվել է Բաքվի III անվտանգության ֆորումը՝ «Անվտանգության մարմինների համատեղ գործունեությունը հումանիտար ճգնաժամերի և գլոբալ տեխնածին աղետների կանխարգելման գործում ահաբեկչական հարձակումների և զինված հակամարտությունների ժամանակ» թեմայով, գրում են ադրբեջանական լրատվամիջոցները։
Միջոցառման բացումից հետո ֆորումի մասնակիցներին ներկայացվել է Ադրբեջանի նախագահ Իլհամ Ալիևի ուղերձը, որին հաջորդել է համաժողովի թեմայով տեսանյութի ցուցադրում։
Ադրբեջանի Պետական անվտանգության ծառայության պետ, գեներալ-գնդապետ Ալի Նագիևն իր ելույթում նշել է հատուկ ծառայությունների կարևոր դերը միջազգային անվտանգության համակարգին սպառնացող ահաբեկչական հարձակումների, զինված հակամարտությունների, մարդածին վթարների և բնապահպանական աղետների կանխարգելման գործում, ընդգծել է այդ բացասական երևույթներից բխող մարդասիրական ճգնաժամերի ժամանակ համապարփակ մոտեցում ցուցաբերելու, ինչպես նաև երկրների անվտանգության կառույցների և համապատասխան գործակալությունների կողմից համակարգված ջանքերի անհրաժեշտությունը։
Միջոցառմանը ելույթ են ունեցել նաև տարբեր երկրների հատուկ ծառայությունների ներկայացուցիչները։ Այն ավարտվել է պատվիրակությունների ղեկավարների կողմից Բաքվի անվտանգության ֆորումի հռչակագրի և կանոնադրության ընդունմամբ։
Հիշեցնենք, որ ՀՀ ԱԱԾ-ն ավելի վաղ հայտնել էր, որ Հայաստանի ազգային անվտանգության ծառայության տնօրեն Անդրանիկ Սիմոնյանի գլխավորած պատվիրակությունը սեպտեմբերի 19-ից 21-ը մասնակցելու է Բաքվում կայանալիք «Անվտանգության 3-րդ միջազգային ֆորումին»:
Թարգմանությունը՝ Էմմա Չոբանյանի
