29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Կոռուպցիայի մեջ թաթախված կամ արյան հետ առնչություն ունեցած անձինք չեն կարող պաշտոն զբաղեցնել. Նիկոլ Փաշինյան. ՏԵՍԱՆՅՈՒԹ
Քաղաքականություն
24.10.2018 | 11:10
Կոռուպցիայի մեջ թաթախված որևէ անձ չի կարող Հայաստանում մեր իշխանության տարիներին պաշտոն զբաղեցնել: Այս մասին այսօր՝ հոկտեմբերի 24-ին, ՀՀ Ազգային ժողովում ունեցած ելույթում հայտարարեց «Ելք» խմբակցությունից վարչապետի թեկնածու առաջադրված Նիկոլ Փաշինյանը:
«Բազմաթիվ և մի շարք լեգիտիմ հարցեր են առաջանում: Մասնավորապես, խոսքն այն մասին է, որ եթե մենք չենք բացառում, որ այդ թվում ՀՀԿ-ն ներկայացրած անձինք կարող են համագործակցել մեզ հետ, լեգիտիմ հարց է առաջանում, ո՞րն է սահմանը»,- նշեց Նիկոլ Փաշինյանը:
Նա ներկայացրեց, թե ովքեր իշխանության մեջ տեղ ունենալու հնարավորություն չեն ունենա. «Կոռուպցիայի մեջ թաթախված որևէ անձ չի կարող Հայաստանում մեր իշխանության տարիներին պաշտոն զբաղեցնել: Երկրորդ՝ արյան հետ առնչություն ունեցած որևէ պաշտոնյա չի կարող տեղ զբաղեցնել իշխանության մեջ, երրորդ՝ կառավարման անարդյունավետ օրինակ ցույց տված պաշտոնյաները»:
Ընդ որում, ըստ վարչապետի թեկնածուի, սա չի վերաբերում միայն նախկիններին: «Իսկ ո՞վ է ասում, որ նրանք, ովքեր նոր են պաշտոն զբաղեցնում, հրեշտակներ են: Ես այս ընթացքում անտանելի հիասթափություններ եմ ունեցել»,- հայտարարեց նա:
Մանրամասները՝ տեսանյութում
