23.06.2026 | 12:34
Շրջափակել էին ամբողջ շենքը, առգրավեցին կանխիկ գումարն ու զարդերը. Իշխան Սաղաթելյան․ ՏԵՍԱՆՅՈՒԹ
«Ֆրանսիական ռիթմեր՝ նվիրված Ազնավուրի հիշատակին». ծրագիրը կիրականացվի նաև Չեխիայում
Մշակույթ
18.09.2025 | 12:38
ՀՀ կրթության, գիտության, մշակույթի և սպորտի նախարարության աջակցությամբ Տերյան մշակութային կենտրոնը շարունակում է «Ֆրանսիական ռիթմեր՝ նվիրված Ազնավուրի հիշատակին» մշակութային նախաձեռնությունը՝ ընդլայնելով աշխարհագրությունը։
«Ստրասբուրգում և Գյումրիում հաջողությամբ իրականացված միջոցառումներից հետո ծրագիրն անցկացվել է Վրաստանում՝ արժանանալով հանդիսատեսի և մասնագիտական հանրության ջերմ արձագանքին:
Հաջորդաբար՝ սեպտեմբերի 18-ին, «Ֆրանսիական ռիթմեր՝ նվիրված Ազնավուրի հիշատակին» ծրագիրն իրականացվում է Չեխիայում՝ շարունակելով մշակույթների համադրման առաքելությունը, ներկայացնելով հայ և ֆրանսիացի արվեստագետների ստեղծագործական համագործակցությունը»,- ասված է հաղորդագրությունում։
Որպես ծրագրի նպատակ նշվում է․ ստեղծել միջմշակութային համագործակցության նոր հարթակ, խթանել հայկական ժամանակակից նորաձևության միջազգային ճանաչումը, աջակցել ինքնազբաղ արվեստագետների ստեղծագործական գործունեությանը ու ներկայացնել նորարարական լուծումներ՝ մշակութային ներկայացումների շրջանակում։
«Ցուցադրությունը միավորում է հայ և ֆրանսիացի մասնագետների փորձը, արտահայտում ֆրանսիական մշակութային մոտեցումները՝ միաժամանակ արտացոլելով ժամանակակից հայկական ոճաբանության ինքնատիպ լուծումները։
Նախաձեռնությունը հարգանքի տուրք է մշակութային բազմազանությանը և արվեստի համամարդկային արժեքներին՝ հյուսելով բարեկամության կամուրջներ Հայաստանի, Ֆրանսիայի, Վրաստանի և այժմ արդեն նաև Չեխիայի միջև»,- ասված է հաղորդագրությունում։
