20.08.2026 | 14:54
Ժոզե Մոուրինյոն պատասխանել է Լամին Յամալի՝ «Ռեալ» հնարավոր տեղափոխության մասին հարցին
Կյանքից հեռացել է Ասիական զարգացման բանկի հայաստանյան մշտական առաքելության տնօրեն Դոն Լամբերտը
17.09.2025 | 14:52
48 տարեկանում կյանքից հեռացել է Ասիական զարգացման բանկի (ԱԶԲ) հայաստանյան մշտական առաքելության տնօրեն Դոն Լամբերտը․ տեղեկացրին Ասիական զարգացման բանկի հայաստանյան գրասենյակից։
Նշվում է, որ Դոն Լամբերտը ԱԶԲ-ում ծառայել է ավելի քան 17 տարի՝ դրսևորելով բացառիկ առաջնորդի, նվիրված գործընկերոջ և ազնիվ ընկերոջ հատկություններ։ Նա խորապես հավատում էր ԱԶԲ-ի առաքելությանը՝ աջակցել զարգացող երկրներին, և անգամ հիվանդության ընթացքում շարունակել էր աշխատել նույն նվիրումով ու անդրդվելի հանձնառությամբ։
«Նրա առաջնորդությունը, մարդկային ջերմությունը և մասնագիտական բարձրարժեք վերաբերմունքը անջնջելի հետք թողեցին բոլորի վրա, ովքեր երբևէ աշխատել են նրա հետ»,-նշել են ԱԶԲ-ից։
