16.07.2026 | 12:26
Ժաննա Անդրեասյանը ծանոթացել է Ծիծեռնակաբերդի բարեկարգման երկրորդ փուլի աշխատանքներին
Բաքվի դատարանը Ֆրանսիայում բնակվող Ալիևի քննադատ ադրբեջանցի բլոգերին 6 տարվա ազատազրկման է դատապարտել
Քաղաքականություն
15.09.2025 | 20:57
Բաքվի Բինագադիի շրջանային դատարանում այսօր ավարտվել է Ֆրանսիայում բնակվող ադրբեջանցի ընդդիմադիր բլոգեր Մուհամմադ Միրզալիի դատավարությունը։
Ադրբեջանական լրատվամիջոցների հաղորդմամն՝ դատավոր Վյուսալ Թագիևի դատավճռով Միրզալին դատապարտվել է 6 տարի 6 ամիս ազատազրկման։
Մեղադրական եզրակացության համաձայն՝ Միրզալին մեղադրվում է Քրեական օրենսգրքի 220.2-րդ հոդվածով (զանգվածային անկարգությունների կազմակերպում բռնությամբ, թալանով, հրկիզմամբ, գույքի ոչնչացմամբ, հրազենի, պայթուցիկ նյութերի կամ սարքերի կիրառմամբ կամ կառավարության ներկայացուցչին զինված դիմադրություն ցույց տալով) և 281.1-րդ հոդվածով (իշխանությունը բռնի զավթելու, բռնի կերպով պահելու կոչեր, Ադրբեջանի սահմանադրական կարգի բռնի փոփոխություն կամ նրա տարածքային ամբողջականության խախտում, ինչպես նաև նմանատիպ բովանդակության նյութերի տարածում):
Այս տարվա մարտին Ադրբեջանի գլխավոր դատախազությունը հեռակա հետաքննություն էր սկսել Միրզալիի նկատմամբ։ Նա հայտնի է Ադրբեջան նախագահ Իլհամ Ալիևի ու իշխանությունների նկատմամբ իր քննադատությամբ։ Հունիսի 3-ին Բինագադիի շրջանային դատարանը նրան ձերբակալելու օրդեր էր տվել և կալանքի որոշում կայացրել։
Ֆրանսիայում բնակվող Միրզալիի նկատմամբ նաև մի շարք մահափորձեր են եղել։ 2022թ-ի հունիսի 14-ին էլ երրորդ մահափորձն է իրականացվել։ Անժե քաղաքից ոչ հեռու ֆրանսիական ոստիկանությունը ձերբակալել էր երկու մարդու։ Նրանք կասկածվում են ադրբեջանցի բլոգերի սպանության փորձի մեջ։ Ինչ այդ Միրզալիի դեմ արդեն երկու մահափորձ եղել է։ 2021թ․ մարտին Նանտի կենտրոնում մի խումբ տղամարդիկ հարձակվել ու դանակով հարվածներ էին հասցրել՝ փորձելով անգամ կտրել նրա լեզուն։ Ապրիլի վերջին հարձակման համար դատապարտվել է չորս տղամարդ, որոնցից երեքը՝ ադրբեջանցի։
Բլոգերը իր դեմ մահափորձերի կազմակերպման մեջ մեղադրում է Ադրբեջանի իշխանություններին։
Թարգմանությունը՝ Էմմա Չոբանյանի
