29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Նեպալում ավելի քան 13,500 կալանավոր է փախել բանտից
Քաղաքականություն
10.09.2025 | 22:14
Նեպալի ոստիկանությունը չորեքշաբթի օրը հայտարարել է, որ այս շաբաթ կառավարության դեմ բողոքի ցույցերի ժամանակ ամբողջ երկրում բանտերից փախել է ավելի քան 13,500 կալանավոր, գրում է Al Arabiya-ն վկայակոչելով AFP-ին։
«Երեկ երեք ոստիկան է մահացել, իսկ ավելի քան 13,500 կալանավոր փախել է երկրի բանտերից», – AFP-ին ասել է Նեպալի ոստիկանության խոսնակ Բինոդ Գիմիրեն։
Նեպալցի զինվորները չորեքշաբթի օրը պարեկել են Կատմանդուի փողոցները՝ փորձելով վերականգնել կարգուկանոնը, այն բանից հետո, երբ ցուցարարները հրդեհել էին խորհրդարանը և ստիպել վարչապետին հրաժարական տալ։ Սա Հիմալայան երկրում վերջին երկու տասնամյակների ընթացքում տեղի ունեցած ամենասարսափելի բռնությունն էր։
Նեպալի մայրաքաղաքում բողոքի ցույցերը սկսվել էին երկուշաբթի օրը կառավարության կողմից սոցիալական ցանցերի արգելքի որոշումից հետո վերածվել էին անհնազանդության գործողությունների ամբողջ երկրում։ Զոհվել է առնվազն 25 մարդ, հրկիզվել են կառավարական շենքեր։
Թարգմանությունը` Էմմա Չոբանյանի
