06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
Սահմանազատման գործընթացում կարող են լինել նորություններ․ Արարատ Միրզոյան
Քաղաքականություն
10.09.2025 | 17:25
Հայաստան-Ադրբեջան սահմանազատման գործընթացում կարող են լինել նորություններ։ Այս մասին ԱԺ-Կառավարություն հարցուպատասխանի ժամանակ հայտնեց ԱԳ նախարար Արարատ Միրզոյանը՝ չհստակեցնելով, թե սահմանազատման վերաբերյալ ինչ նորություններ կլինեն, երբ տեղի կունենա սահմանազատումը և որ հատվածից։
Հիշեցնենք՝ սեպտեմբերի 5-ին ԱԳՆ-ն տեղեկացրել էր, որ ՀՀ փոխվարչապետ Մհեր Գրիգորյանի և Ադրբեջանի Հանրապետության փոխվարչապետ Շահին Մուստաֆաևի ղեկավարությամբ կայացել են երկու պետությունների պատվիրակությունների փոխադարձ այցելություններ Հայաստանի Հանրապետության տարածք և Ադրբեջանի Հանրապետության տարածք:
Ըստ ԱԳՆ-ի՝ օգոստոսի 8-ին Վաշինգտոնում ձեռք բերված պայմանավորվածությունների համաձայն՝ կողմերը քննարկել են սահմանագծի համապատասխան հատվածների/հատվածամասերի սահմանազատման և ականազերծման, ինչպես նաև անհրաժեշտ ենթակառուցվածքների վերականգնման ու կառուցման և դրանց իրականացման ժամկետների հետ կապված հարցեր՝ հաղորդակցությունների ստեղծման ոլորտում գործողությունների սինխրոնիզացման նպատակով:
Մանյա Պողոսյան
