Կենսագրական մանրամասներ՝ Միջազգային իրավական հարցերով ներկայացուցչի գրասենյակի նորանշանակ ղեկավարից

Այսօր տեղեկացրել էինք, որ ՀՀ վարչապետ Նիկոլ Փաշինյանի՝ 2025 թվականի սեպտեմբերի 9-ի որոշմամբ՝ Արտյոմ Սուջյանը նշանակվել է Միջազգային իրավական հարցերով ներկայացուցչի գրասենյակի ղեկավար:

Հիշեցնենք, որ նախորդ ամսվա վերջին Նիկոլ Փաշինյանի որոշմամբ Լիպարիտ Դրմեյանն ազատվել էր վարչապետի աշխատակազմի Միջազգային իրավական հարցերով ներկայացուցչի գրասենյակի ղեկավարի պաշտոնից։

Միջազգային իրավական հարցերով ներկայացուցչի գրասենյակի ղեկավարի կենսագրությունը.

Աշխատանքային գործունեություն

2024-2025թթ․ – ՀՀ փոխվարչապետի օգնական
2022-2024թթ․ – Արդարադատության նախարարության կառուցվածքային ստորաբաժանումներում առանձին գործառույթներ համակարգող խորհրդական, այնուհետև՝ Արդարադատության նախարարի խորհրդական
2021-2022թթ․ – «ԷյԷՄ իրավաբանական ընկերություն» ՍՊԸ իրավախորհրդատու-փաստաբան
2020-2021թթ․ – ՀՀ վարչապետի աշխատակազմի պետաիրավական վարչության փորձագետ, այնուհետև՝ ավագ իրավաբան

Կրթություն
2020-2022թթ․ – ԵՊՀ իրավագիտության ֆակուլտետի մագիստրատուրա՝ «Բիզնես իրավունք և միջազգային արբիտրաժ» մասնագիտացմամբ
2014-2020թթ․ – ԵՊՀ իրավագիտության ֆակուլտետ (բակալավրիատ)

Այլ տեղեկություններ

2023 թվականից հանդիսանում է Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի անդամ
2021 թվականից հանդիսանում է ՀՀ փաստաբանների պալատի անդամ
2016-2018 թթ. անցել է պարտադիր զինվորական ծառայություն