17.02.2026 | 16:41
Արման Ծառուկյանը մարզվել է ըմբշամարտի Հայաստանի հավաքականի հետ․ ՏԵՍԱՆՅՈՒԹ
ՌԴ ԱԴԾ-ն Ադրբեջանի քաղաքացու է ձերբակալել․ նրան մեղադրում են Կիևի հանձնարարությամբ ահաբեկչական գործողություններ պլանավորելու համար․ՏԵՍԱՆՅՈՒԹ
Քաղաքականություն
08.09.2025 | 14:40
ՌԴ Ստավրոպոլի երկրամասում Ադրբեջանի քաղաքացի է ձերբակալվել Կիևի հանձնարարությամբ ահաբեկչական գործողություններ նախապատրաստելու կասկածանքով։ Այս մասին հաղորդում է ՌԴ ԱԴԾ հասարակայնության հետ կապերի կենտրոնը, գրում է Ռիա Նովոստին։
«ՌԴ Դաշնային անվտանգության ծառայությունը կանխել է ուկրաինական ռեժիմի կողմից մեր երկրի տարածքում մի շարք դիվերսիոն ահաբեկչական գործողություններ իրականացնելու ևս մեկ փորձ», – ասվում է մամուլի հաղորդագրության մեջ։
Ըստ հատուկ ծառայության՝ ձերբակալվածը միացել է արգելված ուկրաինական ահաբեկչական կազմակերպության։ Նա հետախուզել է Եսենտուկիում և Ստավրոպոլում գտնվող վարչական շենքերը և տրանսպորտային ենթակառուցվածքները, գնել պայթուցիկ սարքեր պատրաստելու նյութեր և դրանք պահել թաքստոցում։
Ռուսական գերատեսչության տեղեկություններով՝ ադրբեջանցին պլանավորել էր հավաքել մի քանի ինքնաշեն պայթուցիկ սարքեր՝ օգտագործելով հատուկ նշանակության ուժերում ծառայության ընթացքում ձեռք բերած հմտությունները։ Կասկածյալից առգրավվել են պայթուցիկ սարքերի բաղադրիչներ, կապի սարքավորումներ և իր գործունեության ապացույցներ։
Հարուցվել է ահաբեկչական գործողության նախապատրաստման քրեական գործ։
Հիշեցնենք, որ վերջերս ադրբեջանցի մի կին ՌԴ-ում 5 տարվա ազատազրկման էր դատապարտվել Ուկրաինայի հատուկ ծառայությունների հետ համագործակցության համար։
Թարգմանությունը՝ Էմմա Չոբանյանի
