03.10.2026 | 22:08
Հայաստանի հավաքականը ժամանել է Պոդգորիցա
Ադրբեջանցի կինը ՌԴ-ում 5 տարվա ազատազրկման է դատապարտվել Ուկրաինայի հատուկ ծառայությունների հետ համագործակցության համար
Քաղաքականություն
28.08.2025 | 15:52
ՌԴ Ռյազանի մարզային դատարանը մեղավոր է ճանաչել և 5 տարի ժամկետով ազատազրկման է դատապարտել Ռուսաստանի 55-ամյա քաղաքացուն՝ Ուկրաինայի զինված ուժերի գլխավոր հետախուզական վարչության հետ համագործակցելու համար, գրում է KP-ն։
«Ռյազանում բնակվող, բնիկ Ադրբեջանից անձը WhatsApp և Signal ինտերնետային մեսենջերների միջոցով կապ է հաստատել ուկրաինական հատուկ ծառայության ներկայացուցչի հետ և նպատակային փորձեր է կատարել հետախուզական տեղեկատվություն ստանալու համար, որը կարող էր օգտագործվել Ռուսաստանի Դաշնության անվտանգության դեմ»,- հայտնել է Ռուսաստանի ԱԴԾ-ն։
Հարցաքննության ժամանակ կինն ասել է, որ ուկրաինական հատուկ ծառայություններն իրենից հետաքրքրվել են Նովո-Ռյազանի ՋԷԿ-ի վիճակի մասին, երբ տեղի նավթավերամշակման գործարանում հրդեհ է բռնկվել։ Ամառանոցից նա գնացել է ջերմաէլեկտրակայան, որտեղ լուսանկարել է ռազմական մեքենան, ապա ուղարկել Ուկրաինայի Անվտանգության ծառայության գործակալին։
«Կնոջ անօրինական գործունեությունը տեղում կասեցվել է Ռուսաստանի ԱԴԾ-ի կողմից»,- ընդգծել է ծառայությունը։
Նշվում է նաև, որ Ռուսաստանի ԱԴԾ-ն ուշադրություն է հրավիրում այն փաստի վրա, որ ուկրաինական հատուկ ծառայություններն ավելի ու ավելի հաճախ են օգտագործում Telegram և WhatsApp մեսենջերները քաղաքացիներին դիվերսիոն և հետախուզական գործողությունների մեջ ներգրավելու համար։
Թարգմանությունը՝ Էմմա Չոբանյանի
