04.11.2026 | 10:11
Վահագն Հարությունյանը կգլխավորի ՀԲՖ մարզչական կոմիտեն
Ռուսաստանն ու Չինաստանը «Սիբիրի ուժը- 2» գազատարի կառուցման մասին հուշագիր են ստորագրել
Քաղաքականություն
02.09.2025 | 12:43
Ռուսական «Գազպրոմ» ընկերությունը և չինական CNPC-ն ստորագրել են «իրավաբանորեն պարտավորեցնող հուշագիր» «Սիբիրի ուժը 2» խողովակաշարի կառուցման մասին՝ Յամալի հանքավայրերից Չինաստան գազ մատակարարելու համար։ Այս մասին հայտարարել է «Գազպրոմ»-ի ղեկավար Ալեքսեյ Միլլերը, փոխանցում է Meduza-ն։
Սպասվում է, որ նոր համաձայնագրի շրջանակում մատակարարումներն իրականացվելու են 30 տարվա ընթացքում՝ տարեկան 50 միլիարդ խորանարդ մետր ծավալով։
Բացի այդ, կողմերը համաձայնության են եկել «Սիբիրի ուժ» խողովակաշարով մատակարարումները տարեկան 38-ից հասցնել 44 միլիարդ խորանարդ մետրի, իսկ «Արևելյան երթուղով»՝ տարեկան 10-ից հասցնել 12 միլիարդ խորանարդ մետրի, գրում է ՌԲԿ-ն։
Միլլերը հայտարարել է ձեռք բերված պայմանավորվածությունների մասին Պեկինում Ռուսաստանի, Չինաստանի և Մոնղոլիայի պատվիրակությունների միջև եռակողմ բանակցություններից հետո։
Ռուսաստանի նախագահ Վլադիմիր Պուտինը տարիներ շարունակ Չինաստանի առաջնորդ Սի Ցզինպինի հետ քննարկել է «Սիբիրի ուժը 2»-ի գործարկման հարցը, որը «Գազպրոմ»-ի Յամալի հանքավայրերից Արևմտյան Սիբիրի և Մոնղոլիայի միջով կանցնի մինչև Չինաստանի հյուսիս-արևելք։ «Սիբիրի ուժը 2»-ը կարող է Ռուսաստանը դարձնել չինական շուկայում ամենամեծ ներմուծողը։
Չինաստանը գործարքի շուրջ բանակցում էր ուժի դիրքերից, 2023 թվականին հաղորդել էր The South China Morning Post-ը։ 2023 թվականին: Դրանից հետո հաղորդվեց, որ դործարքի շուրջ բանակցությունները փակուղի են մտել։ The Financial Times-ի տվյալներով՝ Չինաստանը պահանջում էր գազի գներ, որոնք մոտ էին Ռուսաստանի ներքին գներին, որոնք սուբսիդավորվում են կառավարության կողմից, ինչպես նաև ցանկանում էր գնել «Սիբիրի ուժը 2»-ի միջոցով մատակարարվող բնական գազի փոքր ծավալ։
Ռուսաստանն այդ պահանջները համարում էր անհիմն։ Չինաստանը կրկին հետաքրքրվել է խողովակաշարով Իսրայելի և Իրանի միջև 2025 թվականին պատերազմի պատճառով, գրում է The Wall Street Journal-ը։
Թարգմանությունը՝ Էմմա Չոբանյանի
