07.12.2025 | 20:49
Կարծում եմ ճիշտ կլինի, որ կիրակնօրյա պատարագներից առաջ եկեղեցիներում երգչախմբերը կատարեն օրհներգը․ Փաշինյան
Լվովում սպանվել է Ուկրաինայի Գերագույն Ռադայի նախկին նախագահ Անդրեյ Պարուբիյը
Քաղաքականություն
30.08.2025 | 16:17
Կեսօրին մոտ արտակարգ ծառայություններին ահազանգ է ստացվել Լվովի Ֆրանկովսկի շրջանում տեղի ունեցած կրակոցների մասին: Զոհը՝ Գերագույն Ռադայի նախկին նախագահ Անդրեյ Պարուբիյը, մահացել է բժիշկների ժամանումից առաջ․ գրում է BBC-ի ռուսական ծառայությունը։
«Անդրի Պարուբիյը մահացել է: Ցավակցում եմ նրա ընտանիքին և ընկերներին», – գրել է Ուկրաինայի նախագահ Վլադիմիր Զելենսկին սպանության մասին առաջին հաղորդագրությունների հայտնվելուց կարճ ժամանակ անց:
Ըստ ուկրաինական լրատվամիջոցների՝ դեպքի վայրում հայտնաբերվել է յոթ պարկուճ: Նախնական տվյալներով, կրակողը նման է եղել առաքման ծառայության սուրհանդակի: Նա էլեկտրական հեծանիվով մոտեցել է 54-ամյա Պարուբիյին, կրակել ու հեռացել:
Անդրեյ Պարուբիյը ղեկավարել է խորհրդարանը 2016-2019 թվականներին, իսկ ավելի վաղ զբաղեցրել է Ազգային անվտանգության և պաշտպանության խորհրդի քարտուղարի պաշտոնը:
