05.12.2025 | 22:18
Netflix-ը հայտնել է 82,7 միլիարդ դոլարով Warner Bros․-ը գնելու մասին
Օպերայի շենքում հրդեհ չի եղել, ուսումնական վարժանքի փորձ է եղել. ՆԳՆ
27.08.2025 | 19:57
Այսօր ժամը 18:00-ի սահմաններում տելեգրամյան ալիքներում և լրատվամիջոցներում ավելի քան 1 րոպե տևողությամբ տեսանյութեր տարածվեցին «Հրդեհ՝ Օպերայի և բալետի ազգային ակադեմիական թատրոնում», «Օպերայի շենքում հրդեհ է, փրկարարները ներս են մտնում» վերնագրերով:
Տեսանյութերը տարածվել են «Խոսնակ լրատվական» տելեգրամյան ալիքում, «Հրապարակ»-ի յություբյան ալիքով: Այս տեսանյութերը բավականին արագ տարածվեցին նաև սոցիալական ցանցերով՝ օգտատերերն այն տարածում էին իրենց էջերում:
Օպերայի շենքում բռնկված հրդեհի մասին տեղեկությունը, սակայն, կեղծ է: ՆԳ նախարարի մամուլի խոսնակ Նարեկ Սարգսյանը Factor.am-ի հետ զրույցում պարզաբանեց, որ Օպերայի շենքում հրդեհ չի եղել, ՆԳ փրկարար ծառայության ստորաբաժանումներն ուսումնական ցուցադրական փորձ են արել:
Մանյա Պողոսյան
