05.12.2025 | 18:15
Փաշինյանը իր հետ քահանա՞ է տանում Գյումրի․ Շիրակի թեմում բոյկոտում են վարչապետի գաղափարը․ ՏԵՍԱՆՅՈՒԹ
Թուրքիան պատասխանել է Հայոց ցեղասպանությունը ճանաչելու մասին Նեթանյահուի հայտարարությանը
Քաղաքականություն
27.08.2025 | 16:38
Թուրքիայի ԱԳՆ-ն անդրադարձել է Իսրայելի վարչապետ Բենիամին Նեթանյահուի կողմից Հայոց ցեղասպանության ճանաչման մասին հայտարարությանը։
«1915 թվականի իրադարձությունների վերաբերյալ Նեթանյահուի հայտարարությունն անցյալի ցավալի իրադարձությունները քաղաքական նպատակներով շահագործելու փորձ է»,- ասվում է Թուրքիայի ԱԳՆ-ի տարածած հայտարարության մեջ։
Նշվում է, թե Նեթանյահուն, որը դատվում է պաղեստինցի ժողովրդի դեմ իրականացված ցեղասպանության մեջ իր դերակատարման համար, փորձում է թաքցնել իր և իր կառավարության կողմից կատարված հանցագործությունները։
«Մենք դատապարտում և մերժում ենք այս հայտարարությունը, որն անհամատեղելի է պատմական և իրավական փաստերի հետ»,- հայտարարել է Անկարան։
Հիշեցնենք՝ Իսրայելի վարչապետ Բենիամին Նեթանյահուն առաջին անգամ հայտարարել էր, որ ճանաչում է Օսմանյան կայսրության կողմից իրականացված հայերի, ասորիների և հույների ցեղասպանությունները։
Թարգմանությունը՝ Էմմա Չոբանյանի
