29.04.2026 | 12:26
Ադրբեջանի փոխվարչապետ Մուստաֆաևը Երևանում է․ ինչ է հայտնի այցից․ ՈՒՂԻՂ
Եթե Ադրբեջանը հարձակվի, Թրամփի ուղու վրա է հարձակվելու․ ԱՄՆ-ի գալով՝ ՀՀ-ի անվտանգությունը բարձրանում է․ Էմիլ Օրդուխանյան․ ՏԵՍԱՆՅՈՒԹ
Քաղաքականություն
25.08.2025 | 19:00
Քաղաքագետ Էմիլ Օրդուխանյանը Factor TV-ի հետ զրույցում կտրականապես դեմ է արտահայտվում այն գնահատականներին, թե ՀՀ-ն միջանցքային տրամաբանությամբ է ապաշրջափակման գնում։
Նա պնդում է, որ Թրամփի միջնորդությամբ ՀՀ-ն ստացավ Ադրբեջանի հետ խաղաղության լավ նախադրյալ, այսպիսով՝ ԱՄՆ-ը պարտավորություն ստանձնեց խաղաղության ապահովման․ «Ալիևը Թրամփին մարտահրավեր կնետի՝ ասելով «Զանգեզուրի միջանցք» է․ դա Թրամփի ուղին է՝ ՀՀ ինքնիշխանության հարգմամբ։ ՌԴ հատուկ ծառայություններ պիտի կանգնեին Մեղրիի ճանապարհին, բայց հիմա ՀՀ-ն է վերահսկելու, ԱՄՆ-ի ռազմական ուժ չի լինի։ Ադրբեջանցին չի կարող տանկը նստած՝ ՀՀ-ով Նախիջևան գնալ, ՀՀ-ն է վերահսկելու, սա միջանցք չէ։ Եթե Ալիևն ասի՝ ՀՀ-ով ստացա «Զանգեզուրի միջանցք», մենք էլ կասենք՝ Նախիջևանի միջանցք ստացանք։ ՀՀ-ն ազդեցության լծակ է ստանում Ադրբեջանի վրա՝ նրան անցում տալով․ երբ ուզենք՝ կփակենք, եթե դա միջանցք է համարում»։
Քաղաքագետը համարում է, որ ամերիկյան կողմի ներգրավումը, տնտեսական ներդրումներից զատ, նաև հավելյալ անվտանգություն է բերում իր հետ։
«Եթե Ադրբեջանը հարձակվի, Թրամփի ուղու վրա է հարձակվելու․ ԱՄՆ-ի գալով՝ ՀՀ-ի անվտանգությունը բարձրանում է։ Եթե ԱՄՆ-ին չներգրավեինք, Ադրբեջանը չէր համաձայնվի ապաշրջափակմանը ՀՀ-ի ինքնիշխանությամբ, Ալիևը Թրամփին չմերժեց։ ՌԴ-ն մերժել է ապաշրջափակման ՀՀ-ի ծրագիրը՝ չճանաչելով մեր ինքնիշխանությունը, իսկ ԱՄՆ-ն համաձայնվել է, ծրագիրն իր հետ կարվի»,- ասաց Էմիլ Օրդուխանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
