17.02.2026 | 16:03
Վարչապետը շնորհավորական ուղերձներ է հղել Չինաստանի նախագահին և պետական խորհրդի նախագահին
ՆԱՏՕ-ի երկրների զինվորական ղեկավարներն այսօր կհանդիպեն՝ քննարկելու Ուկրաինայի հարցը
Քաղաքականություն
20.08.2025 | 12:24
ԱՄՆ միացյալ շտաբների ղեկավար Դեն Քեյնն Ուկրաինայի վերաբերյալ բանակցություններ կվարի եվրոպացի զինվորական ղեկավարների հետ, հաղորդում է AFP-ն՝ հղում անելով Պենտագոնի խոսնակին, փոխանցում է BBC-ի ռուսական ծառայությունը։
Ըստ աղբյուրի՝ բարձրաստիճան զինվորականները կքննարկեն «հնարավոր խաղաղության համաձայնագրի լավագույն տարբերակները»։
Ավելի վաղ հաղորդվել էր, որ ՆԱՏՕ-ի անդամ երկրների շտաբների պետերը չորեքշաբթի առցանց հանդիպում կանցկացնեն, որին կմասնակցեն Քեյնը, ինչպես նաև Եվրոպայում ՆԱՏՕ-ի հրամանատար Ալեքսուս Գրինկևիչը։
«Վաղը ես տեսակոնֆերանս կանցկացնեմ Հյուսիսատլանտյան դաշինքի անդամ 32 երկրների գլխավոր շտաբների պետերի մասնակցությամբ։ Դրան կմասնակցի նաև Եվրոպայում դաշնակից ուժերի գերագույն հրամանատար, գեներալ Գրինկևիչը, որի առաջին մասնակցությունը կլինի Ռազմական կոմիտեի նիստին։ Քանի որ Ուկրաինայում խաղաղություն ապահովելու դիվանագիտական ջանքերը զարգանում են, ես անհամբեր սպասում եմ նրա զեկույցին անվտանգության ներկայիս իրավիճակի վերաբերյալ»,- X սոցցանցում գրել է ՆԱՏՕ-ի ռազմական կոմիտեի ղեկավար Ջուզեպպե Կավո Դրագոնեն։
Հաղորդվում է, որ Գրինկևիչը, ի թիվս այլ բաների, իր գործընկերներին կներկայացնի ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև Ալյասկայում կայացած հանդիպման արդյունքները։
