29.04.2026 | 13:47
Ոստիկանները մեքենաների հայելիների, ապակիների գողություններ են բացահայտել
«Հանրապետական» մարզադաշտի խոտածածկը պատրաստ կլինի Պորտուգալիայի դեմ խաղին. ՀՖՖ
18.08.2025 | 14:32
Վազգեն Սարգսյանի անվան «Հանրապետական» մարզադաշտի խոտածածկը պատրաստ կլինի Մունդիալ-2026-ի ընտրական փուլի Հայաստան-Պորտուգալիա խաղին:
«Արմենպրես»-ի հարցմանն ի պատասխան այս մասին հայտնել են Հայաստանի ֆուտբոլի ֆեդերացիայի հաղորդակցության բաժնից:
«Վազգեն Սարգսյանի անվան «Հանրապետական» մարզադաշտի խոտածածկը պատրաստ կլինի Մունդիալ-2026-ի ընտրական փուլի Հայաստան-Պորտուգալիա խաղին: Ֆեդերացիայի մասնագիտացված աշխատակիցները շարունակում են 24/7 ժամային գրաֆիկով աշխատանքներ իրականացնել մարզադաշտում: Համաշխարհային սպորտում նմանատիպ իրավիճակները լինում են, որոնց դեպքում համապատասխան կառույցները ունենում են հստակ քայլեր: Նրանք, ովքեր ներկա կլինեն խաղին, անձամբ կտեսնեն, որ խոտածածկը պատշաճ վիճակում կլինի»,-ասված է Հայաստանի ֆուտբոլի ֆեդերացիայի հաղորդակցության բաժնի պատասխանում:
Աշխարհի 2026 թվականի առաջնության որակավորման փուլի առաջին խաղում Հայաստանի ֆուտբոլի ազգային թիմը սեպտեմբերի 6-ին, ժամը 20:00-ին Վազգեն Սարգսյանի անվան «Հանրապետական» մարզադաշտում կհյուրընկալի Պորտուգալիայի ընտրանուն:
Հիշեցնենք, որ Վազգեն Սարգսյանի անվան հանրապետական մարզադաշտի խոտածածկը վնասվել է աշխարհահռչակ երգիչ Ջենիֆեր Լոպեսի համերգից հետո։
