07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Թրամփը Պուտինին է փոխանցել կնոջ՝ Մելանյա Թրամփի նամակը
Քաղաքականություն
16.08.2025 | 12:14
ԱՄՆ նախագահ Դոնալդ Թրամփի կինը՝ Մելանյա Թրամփը, Ռուսաստանի նախագահ Վլադիմիր Պուտինին նամակ է ուղղել, ուր բարձրացրել է Ուկրաինայում և Ռուսաստանում երեխաների ծանր վիճակի հարցը: Այս մասին հայտնել են Սպիտակ տան երկու պաշտոնյաներ․ գրում է Reuters-ը։
Նախագահ Թրամփը նամակը Պուտինին է հանձնել Ալյասկայում կայացած գագաթնաժողովի ժամանակ։
Պաշտոնյաները չեն բացահայտել նամակի բովանդակությունը՝ նշելով միայն այն, որ նամակում խոսվում է Ուկրաինայում պատերազմի հետևանքով երեխաների առևանգման մասին։
Նամակի գոյության մասին նախկինում չի հաղորդվել։
Ռուսաստանի կողմից ուկրաինացի երեխաների առևանգումը զգայուն թեմա է Ուկրաինայի համար։
Ուկրաինան տասնյակ հազարավոր իր երեխաների առևանգումները, որոնք տարվել են Ռուսաստան կամ Ռուսաստանի կողմից օկուպացված տարածք՝ առանց ընտանիքի կամ խնամակալների համաձայնության, անվանել է պատերազմական հանցագործություն, որը համապատասխանում է ՄԱԿ-ի ցեղասպանության սահմանմանը։
Նախկինում Մոսկվան հայտարարել էր, որ «պաշտպանում է խոցելի երեխաներին պատերազմական գոտուց»։
ՄԱԿ-ի մարդու իրավունքների գրասենյակը հայտարարել է, որ Ռուսաստանը տառապանքներ է պատճառել միլիոնավոր ուկրաինացի երեխաների և խախտել նրանց իրավունքները 2022 թվականին Ուկրաինա լայնածավալ ներխուժումից ի վեր։
Թարգմանւթյունը՝ Անահիտ Խաչատրյանի
