23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Առաջիկա մի քանի օրերն ու շաբաթները որոշիչ կլինեն. Թրամփի և Զելենսկու մասնակցությամբ առցանց գագաթնաժողովի մասնակիցների դիրքորոշումները
Քաղաքականություն
13.08.2025 | 23:37
Մեծ Բրիտանիայի վարչապետ Քիր Սթարմերը Թրամփի և Զելենսկու մասնակցությամբ առցանց գագաթնաժողովից հետո ասել է, որ միջազգային սահմանները չպետք է ուժով փոխվեն։
«Միջազգային սահմանները չպետք է ուժով փոխվեն, իսկ Ուկրաինան ցանկացած գործարքի շրջանակներում պետք է ունենա անվտանգության հուսալի և վստահելի երաշխիքներ՝ տարածքային ամբողջականությունը պաշտպանելու համար»,- ասել է Սթարմերը։
Ֆինլանդիայի նախագահ Ալեքսանդր Ստուբը X-ի իր էջում գրել է.
«Մենք միասին աշխատում ենք հրադադարի և երկարաժամկետ խաղաղության ուղղությամբ։ Մենք աջակցում ենք Ուկրաինային ամեն քայլափոխի։ Առաջիկա մի քանի օրերն ու շաբաթները որոշիչ կլինեն»։
Իտալիայի վարչապետ Ջորջիա Մելոնին ասել է.
«Ժամանակն է տեսնել, թե ինչպես է Ռուսաստանն իրեն պահելու Ալյասկայում, քանի որ մինչ այժմ նա որևէ նշանակալի քայլ առաջ կատարելու մտադրություն չի ցուցաբերել»։
ԱՄՆ փոխնախագահ Ջեյ Դի Վենսը, ելույթ ունենալով Անգլիայի ռազմաբազայում գտնվող ամերիկացի զինվորների առջև, ասել է.
«Ես պարզապես խոսեցի նրա հետ [Թրամփի] հետ, նախքան բեմ բարձրանալը, և նա շատ պարզ ասաց, որ դա կլինի մեր վարչակազմի առաքելությունը՝ կրկին խաղաղություն բերել Եվրոպա»։
Ավելի վաղ ԱՄՆ նախագահ Դոնալդ Թրամփի հետ եվրոպացի առաջնորդների առցանց հանդիպումից հետո կայացած մամուլի ասուլիսում Գերմանիայի կանցլեր Ֆրիդրիխ Մերցն ասել էր, որ Ուկրաինայում խաղաղության հույս կա։
