Հասարակություն
13.08.2025 | 14:40«Պետք է ասել` կամ մարդավարի հանրային լսում ես անում, ամբողջ նախագիծը հրապարակում ես պատերին փակցնում ես գծագրեր, վնասների հետազոտություններ և հաշվարկներ ներկայացնում։ Գրանցում ես ելույթ ունենալ կամեցողներին, կարգուկանոն ես սահմանում, ոչ թե բազար ես անում ստեղ։ Ես չէի սպասում Կոստանդյանից (խմբ. Փամբակ համայնքի ղեկավար), որ էդ տեսակ անփորձություն կդրսևորի, կամ գուցե տրամադրությունը փոխվել է անցած օրերի ընթացքում»,- Քարաբերդում տեղի ունեցած հանրային լսումից հետո հրավիրված ասուլիսում ասաց Գյումրիի «Ասպարեզ» լրագրողների ակումբի խորհրդի նախագահ Լևոն Բարսեղյանը։
Հիշեցնենք, որ «ԶՈՎ-ԳՈՒԺ» ՍՊԸ-ն և Փամբակ համայնքի ՏԻՄ-ը կազմակերպել էին «Քարաբերդի ոսկու հանքավայրի արևմտյան և արևելյան տեղամասերում, օգտակար հանածոյի արդյունահանման նպատակով երկրաբանական ուսումնասիրության նախատեսվող աշխատանքներ իրականացնելու» թեմայով լսումներ, որոնք անցան թեժ և լարված մթնոլորտում։
Քարաբերդի էկոլոգիական պաշտպանության նախաձեռնությունից հայտնում են, որ 2022 թվականին Քարաբերդում առկա ոսկու հանքավայրի մերձակա տարածքներում իրականացվել են օրգանական և բիոլոգիական նմուշառումների միջազգային փորձաքննություններ, որոնք բացահայտել են ռիսկային բարձր կոնցենտրացիաներ՝ հանքին մոտ հողերում և բնակիչների օրգանիզմում։
Մանրամասները` տեսանյութում։
