15.04.2026 | 10:57
Թրամփը չի մտածում Իրանի հետ հրադադարի երկարաձգման մասին․ նա հայտարարել է՝ պատերազմը մոտ է ավարտին
Ասում են` եթե դեմ ես հանքին, մեր բարեկամը չես․ բնակիչների կարծիքը փորձում են ճնշել. իրավապաշտպան․ ՏԵՍԱՆՅՈՒԹ
Հասարակություն
13.08.2025 | 14:31
«Այս տարածքների համար 3 ընկերություն է պայքարում, որից մեկը այստեղ հանք է շահագործում։ Յուրաքանչյուր խումբ ունի իր կողմակիցները և փորձում են ճնշել համայնքի բնակիչներին»,- Քարաբերդում տեղի ունեցած հանրային լսումից հետո հրավիրված ասուլիսում ասաց իրավապաշտպան Օլեգ Դուլգարյանը։
Քարաբերդի ոսկու հանքում երկրաբանական աշխատանքներ իրականացնելու շուրջ այսօր հրավիրված հանրային լսումն անցավ թեժ և լարված մթնոլորտում։
Դուլգարյանի խոսքով` եթե հանքաարդյունահանող ընկերությունները 3 անգամ նույն թեմայով լսում են նախաձեռնում, նշանակում է` չեն հարգում տեղական ժողովրդավարությունը։
Հիշեցնենք, որ «ԶՈՎ-ԳՈՒԺ» ՍՊԸ-ն և Փամբակ համայնքի ՏԻՄ-ը կազմակերպել էին «Քարաբերդի ոսկու հանքավայրի արևմտյան և արևելյան տեղամասերում, օգտակար հանածոյի արդյունահանման նպատակով երկրաբանական ուսումնասիրության նախատեսվող աշխատանքներ իրականացնելու» թեմայով լսումներ։
Քարաբերդի էկոլոգիական պաշտպանության նախաձեռնությունից հայտնում են, որ 2022 թվականին Քարաբերդում առկա ոսկու հանքավայրի մերձակա տարածքներում իրականացվել են օրգանական և բիոլոգիական նմուշառումների միջազգային փորձաքննություններ, որոնք բացահայտել են ռիսկային բարձր կոնցենտրացիաներ՝ հանքին մոտ հողերում և բնակիչների օրգանիզմում։
Մանրամասները` տեսանյութում։
