14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Վաղը Թեհրան է մեկնում ԱԳ փոխնախարար Վահան Կոստանյանը
Քաղաքականություն
11.08.2025 | 12:59
Հայաստանի ԱԳՆ-ից հաստատեցին, որ վաղը Թեհրան կմեկնի Իրանի հետ երկկողմ հարաբերությունները համակարգող փոխնախարար Վահան Կոստանյանը։
ԱԳՆ մամուլի խոսնակ Անի Բադալյանը փոխարտգործնախարարի այցի վերաբերյալ Factor.am-ի հետ զրույցում այլ մանրամասներ չհայտնեց։
Ավելի վաղ Իրանի արտգործնախարար Աբբաս Արաղչին, անդրադառնալով Հայաստանի ու Ադրբեջանի միջև ստորագրված փաստաթղթերին, նշել էր, որ Հայաստանի և Ադրբեջանի հետ հարաբերություններն իրենք բազմիցս քննարկել են, և երեքշաբթի օրը նախատեսված է Հայաստանի փոխարտգործնախարարի այցը Թեհրան։
«Միջանցքի հարցը լիովին մի կողմ է դրվել, և խոսքը տարանցիկ ճանապարհի մասին է, որը կկառուցվի Հայաստանի ինքնիշխանության և իրավասության ներքո՝ այս երկրի տարածքում։ Այս նախագծի իրականացումը մի ընկերության պատասխանատվությունն է, որն, ինչպես ասվել է, կլինի ամերիկա-հայկական ընկերություն, որը գրանցված է Հայաստանում և գործում է այս երկրի օրենքներով։ Իհարկե, ինչպես նշվել է արտաքին գործերի նախարարության հայտարարության մեջ, տարածաշրջանում ցանկացած օտարերկրյա ներկայություն, ցանկացած ձևով, կարող է բացասական հետևանքներ ունենալ տարածաշրջանի խաղաղության և կայունության համար»,- ասել էր Արաղչին։
Այսօր նաև տեղի է ունեցել Նիկոլ Փաշինյանի հեռախոսազրույցը Իրանի նախագահ Մասուդ փեզեշքիանի հետ։
Մանյա Պողոսյան
