07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Բաքվում շինծու գործերով դատական նիստում դարձյալ «տուժողներ» են ցուցմունք տալիս
Քաղաքականություն
08.08.2025 | 16:31
Բաքվի զինվորական դատարանում ընթանում է Արցախի ղեկավարների և այլ պաշտոնյաների շինծու գործերով հերթական դատական նիստը։
Ադրբեջանական լրատվամիջոցների հաղորդմամբ՝ «տուժող» Իդրիս Միրզոևը պատմել է, թե 1994 թվականի ապրիլին գերեվարվել է հայկական զինված ուժերի կողմից Տերտերի շրջանում։ Նա ասել է, թե պահվել է, մասնավորապես, Շուշիի բանտում։ Նրան, իբր, հարկադրել են մասնակցել է խոզի ֆերմայի և թռչնաֆաբրիկայի կառուցման աշխատանքների։
Միրզոևը նաև պնդել է, թե գերության ընթացքում, իբր, իրեն ծեծծել ու տանջել են, այդ թվում՝ «շշով հարվածել են գլխին»։
«Նրանք մեզ տանջում էին ալկոհոլի և թմրանյութի ազդեցության տակ»,- հայտարարել է Բաքվի դատարան բերված «տուժողը»։
Մեկ այլ «տուժող»՝ Հաբիբ Ալիևն էլ հայտարարել է, թե 1992 թվականին զինծառայության է եղել Լաչինում, վիրավորում է ստացել մարտական գործողությունների ընթացքում, այնուհետև գերի է ընկել։ Նա ասել է, որ ազատ է արձակվել 1995 թվականի մայիսին։
Դատական նիստը շարունակվում է։
