16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Տեղի է ունեցել ռազմական ակադեմիայի շրջանավարտների հետագա ծառայության վայրերի ընտրության վիճակահանությունը
Հասարակություն
07.08.2025 | 19:35
Օգոստոսի 7-ին պաշտպանության նախարարության վարչական համալիրում տեղի է ունեցել ՀՀ ՊՆ Վազգեն Սարգսյանի անվան ռազմական ակադեմիայի 2024-2025 ուստարվա շրջանավարտների հետագա ծառայության վայրերի ընտրության ու սպայական պաշտոնների նշանակման վիճակահանությունը։ Այս մասին տեղեկացնում են ՀՀ ՊՆ-ից:
Ըստ սահմանված կարգի՝ նորընծա լեյտենանտները վիճակահանությամբ ընտրել են այն զորամասերը, որտեղ անցկացնելու են սպայական ծառայության առաջիկա տարիները՝ համալրելով զինված ուժերի հրամանատարական կազմի շարքերը:
ՀՀ պաշտպանության նախարարի տեղակալ Արման Սարգսյանը շնորհավորել է սպաներին համապատասխան զորամասերում ծառայության նշանակվելու կապակցությամբ, մաղթել բարի և անվտանգ ծառայություն: Նա վստահություն է հայտնել, որ ուսումնառության տարիներին ձեռք բերած գիտելիքներն ու հմտությունները ծառայելու են ի նպաստ Հայաստանի Հանրապետության։
