06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
«Արմավիր» ՔԿՀ-ի դատապարտյալներն ազատազրկված անձանց բաշխվող հացերի և սննդի մեջ թաքցրել էին բջջային հեռախոսներ և թմրանյութի նմանվող զանգվածներ
06.08.2025 | 19:13
ՔԿԾ-ից տեղեկացնում են, որ իրացնելով ստացված օպերատիվ տեղեկություններն այն մասին, որ հիմնարկ արդեն իսկ բերված սննդի մեջ ազատազրկված անձինք թաքցրել են արգելված իրեր, իրականացրել են համապատասխան օպերատիվ-հետախուզական միջոցառումներ, պարզվել է, որ դատապարտյալներն ազատազրկված անձանց բաշխվող հացերի և սնունդի մեջ թաքցրել էին բջջային հեռախոսներ և թմրանյութի նմանվող զանգվածներ։
«Միջոցառումների շրջանակներում ծառայողները խուզարկության են ենթարկել հիմնարկի տեխնիկատնտեսական աշխատանքներում ներգրավված 4 դատապարտյալի և վերջիններիս կողմից ազատազրկված անձանց բաշխվող սնունդը։
Խուզարկության արդյունքում հացերի միջից հայտնաբերվել են 4 բջջային հեռախոս և սղոց-դանակ, իսկ մեկանգամյա օգտագործման տարայում լցված հարիսայի միջից ծառայողները հայտնաբերել են 2 սրվակ, որոնցում առկա են եղել ընդհանուր 7 մլ, թմրանյութի նմանվող, սպիտակ հեղուկ զանգված։
Շարունակելով միջոցառումները՝ ծառայողները խուզարկություններ են իրականացրել նաև տեխնիկական սպասարկման մասնաշենքի տարբեր հատվածներում։ Արդյունքում՝ սննդի բաշխման սենյակի պատի մեջ պատրաստված թաքստոցից, դատապարտյալների կացարանից, պահարանից, պարանից կախված լվացքի միջից հայտնաբերվել են 5 բջջային հեռախոս, 4 բաժանորդային քարտ, լիցքավորման սարք՝ իր լարով, ինտերնետ հասանելիությամբ թվային սարք և դանակ։
Դեպքի առթիվ ձեռնարկվել են համապատասխան միջոցառումներ»,- ասված է հաղորդագրությունում։
