03.07.2026 | 16:34
Կապակցվածությունը կարող է օգնել Հարավային Կովկասում կայուն խաղաղության ապահովմանը․ Մարթա Կոս
Քաղաքացին Մարմարիկ գետից էլեկտրական հոսանքահարման միջոցով կարմրախայտ է որսացել
05.08.2025 | 09:57
ՇՄՆ էկոպարեկային ծառայության Կոտայքի և Գեղարքունիքի մարզային վարչության Հրազդանի տեղամասի աշխատակիցները 2025 թվականի օգոստոսի 3-ին տեղեկություններ էին ստացել այն մասին, որ Կոտայքի մարզի բնակիչներից մեկը պատրաստվում է էլեկտրական հոսանքի սարքի միջոցով Մարմարիկ գետից ձուկ որսալ։ Այս մասին տեղեկացրել է ՇՄՆ էկոպարեկային ծառայությունը:
«Ձեռնարկված միջոցառումների արդյունքում նույն օրը՝ ժամը 20։30-ի սահմաններում, Հանքավան բնակավայրի հարակից տարածքներից մեկում՝ Մարմարիկ գետի ափին, էկոպարեկային ծառայության Կոտայքի և Գեղարքունիքի մարզային վարչության Հրազդանի տեղամասի ծառայողները հայտնաբերել են Հրազդան քաղաքի բնակիչ Գ.Ս.-ին, ով հասցրել է էլեկտրական հոսանքահարման միջոցով որսալ 9 հատ կարմրախայտ տեսակի ձուկ։
Փաստի առթիվ կազմվել է համապատասխան արձանագրություն, իրավախախտման գործիքն ու օբյեկտները առգրավվել են և ուղարկվել ԲԸՏՄ»,- ասված է հաղորդագրության մեջ:
