24.06.2026 | 11:55
ՍԴ-ն ԱԱԾ-ից պահանջել է ընտրությունների օրերին ՀՀ մուտք գործած քաղաքացիների վերաբերյալ տվյալներ
Ուկրաինան և ՌԴ-ն Ստամբուլում համաձայնության են եկել 1200 գերիների փոխանակման շուրջ․ Զելենսկի
Քաղաքականություն
03.08.2025 | 17:47
Ուկրաինան և ՌԴ-ն Ստամբուլում կայացած երրորդ բանակցային փուլից հետո համաձայնության են եկել 1200 գերիների փոխանակման շուրջ։ Ներկայումս մշակվում են այն մարդկանց ցուցակները, որոնց հնարավոր է փոխանակել։ Այս մասին հաղորդում է РБК-Украина-ն՝ հղում անելով Ուկրաինայի նախագահ Վլադիմիր Զելենսկու Telegram-ալիքին։
Զելենսկին հանդիպում է ունեցել նախագահի գրասենյակի ղեկավար Անդրեյ Երմակի և ԱԽ քարտուղար Ռուստեմ Ումերովի հետ։ Քննարկվել է բանակցային գործընթացը՝ մասնավորապես Ստամբուլում ռուսական կողմի հետ հանդիպումների պայմանավորվածությունների կատարումը և նոր հանդիպման նախապատրաստումը։
«Հիմնական հարցերից է ռազմագերիների փոխանակման շարունակումը։ Կա 1200 մարդու փոխանակման պայմանավորվածություն, աշխատանքը ցուցակների վրա շարունակվում է։ ԱԽ քարտուղարը զեկուցել է ռուսական ներկայացուցչի հետ հաղորդակցության մասին», – նշել է նա։
Հիշեցնենք, որ հուլիսի 23-ին Ստամբուլում կայացել է ուկրաինական և ռուսական պատվիրակությունների բանակցությունների երրորդ փուլը։ Նախորդ հանդիպումները տեղի էին ունեցել մայիսի 16-ին և հունիսի 2-ին։
Առաջին փուլի արդյունքներով ձեռք էր բերվել պայմանավորվածություն ռազմագերիների «1000-ը 1000-ի դիմաց» փոխանակման մասին։ Երկրորդ փուլում պայմանավորվածություն էր ձեռք բերվել երկու կատեգորիայի՝ վիրավոր և ծանր վիրավորում ստացած ռազմագերիների, ինչպես նաև մինչև 25 տարեկան զինվորների փոխանակման մասին՝ «բոլորը բոլորի դիմաց» ձևաչափով։
