17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ստեփանավանում հակահրդեհային կանոնների ուսուցմանը նվիրված սեմինարներ են անցկացվել․ ՆԳՆ
02.08.2025 | 15:30
Լոռու մարզի Ստեփանավան քաղաքում իրականացվել են երեխաների անվտանգությանն ու իրազեկման բարձրացմանն ուղղված սեմինարներ։ Այս մասին հաղոդրում են ՆԳՆ ոստիկանությունից։ Դրանք նվիրված են եղել հակահրդեհային կանոնների ուսուցմանը և տարհանման հմտությունների զարգացմանը։
Սեմինարների հիմնական նպատակն է եղել ճամբարականներին ծանոթացնել հրդեհների կանխարգելման կանոններին, տարհանման կարգին և քայլերին, ինչպես նաև նրանց հաղորդակից դարձնել արտակարգ իրավիճակներում ճիշտ, վստահ և կազմակերպված վարքագծի ձևավորմանը։
Սեմինարներին մասնակցել է 45 երեխա, այդ թվում՝ նաև տարբեր շարժողական կամ առողջական առանձնահատկություններ ունեցող երեխաներ, ովքեր ակտիվորեն մասնակցել են քննարկումներին, հարցեր ուղղել փրկարարներին և ստացել սպառիչ պատասխաններ՝ ինչպես գործել վտանգի դեպքում:
Երեխաների հետաքրքրվածությունը զարգացնելու և պահելու նպատակով մասնագիտացված փրկարարների վերահսկողությամբ և օգնությամբ կազմակերպվել է նաև գետանցման վարժանք։
Վարժանքն անցկացվել է անվտանգության բոլոր կանոնների պահպանմամբ՝ հատուկ ուշադրություն դարձնելով այն հանգամանքին, որ մասնակիցների մեջ եղել են երեխաներ, ովքեր ունեցել են ֆիզիկական դժվարություններ։
