24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Ուիթկոֆն այցելել է Գազայի օգնության բաշխման վայր
Քաղաքականություն
01.08.2025 | 14:09
Մերձավոր Արևելքում ԱՄՆ նախագահի հատուկ բանագնաց Սթիվ Ուիթկոֆն այցելել է Գազայի տարածքում օգնության բաշխման վայր, որտեղ հարյուրավոր պաղեստինցիներ են մահացել վերջին շաբաթների ընթացքում՝ փորձելով սնունդ ստանալ, հաղորդում է CNN-ը։
Իսրայելական աղբյուրը CNN-ին հայտնել է, որ Ուիթկոֆը ժամանել է հարավային Ռաֆահ քաղաքի օգնության բաշխման, որը ղեկավարում է Գազայի մարդասիրական հիմնադրամը (GHF):
Սպիտակ տան մամուլի քարտուղար Քերոլայն Լիվիթը նախօրեին հայտարարել էր, որ Ուիթկոֆը և Իսրայելում ԱՄՆ դեսպան Մայք Հաքաբին կմեկնեն Գազա՝ «ստուգելու սննդի բաշխման կետերը և ապահովելու ավելի շատ սնունդ մատակարարելու ծրագիր, ինչպես նաև հանդիպելու տեղի բնակիչների հետ՝ տեղում ծանր իրավիճակի մասին լսելու համար»։
Ուիթկոֆն ու Հաքաբին «այցից անմիջապես հետո ԱՄՆ նախագահին կտեղեկացնեն տարածաշրջանում սննդի և օգնության բաշխման վերջնական ծրագրի հաստատման մասին», ասել է նա։
Նշենք, որ սա Սթիվ Ուիթկոֆի երկրորդ այցն է Գազա։ Հունվարին Թրամփի պաշտոնավարման մեկնարկից կարճ ժամանակ անց ԱՄՆ նախագահի հատուկ բանագնացն այցելել էր անկլավ՝ դառնալով առաջին ամերիկացի պաշտոնյան, որը Գազա է մեկնել ավելի քան մեկ տասնամյակի ընթացքում։
Մինչ այս,Դոնալդ Թրամփը հայտնել է նաև, որ Ուիթկոֆն Իսրայելից հետո Ռուսաստան կմեկնի։
