07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Հնդկաստանի նավթավերամշակման ընկերությունները դադարեցնում են ռուսական նավթի գնումները Թրամփի սպառնալիքներից հետո. Reuters
Քաղաքականություն
31.07.2025 | 19:36
Հնդկաստանի չորս պետական նավթավերամշակման գործարաններ, որոնք սովորաբար ռուսական նավթ են գնում, շուրջ մեկ շաբաթ չեն դիմել նոր գնման համար։ Այս մասին Reuters-ին հայտնել են գնման ծրագրերին ծանոթ չորս աղբյուրներ, գրում է BBC-ի ռուսական ծառայությունը։
Նրանց տվյալներով՝ այս ընկերությունները դիմել են սփոտ շուկային՝ այլընտրանքային մատակարարումների համար, հիմնականում՝ Մերձավոր Արևելքից, ինչպես նաև Արևմտյան Աֆրիկայից նավթի համար։
Հնդկաստանում ռուսական նավթի խոշորագույն գնորդներն են մնում մասնավոր վերամշակման գործարանները՝ Reliance Industries-ը և Nayara Energy-ն։ Այնուամենայնիվ, գործակալությունը նշում է, որ պետական վերամշակման գործարանները կազմում են Հնդկաստանի ընդհանուր վերամշակման հզորության ավելի քան 60%-ը, որը կազմում է օրական 5,2 միլիոն բարել։
Հուլիսի 14-ին ԱՄՆ նախագահ Դոնալդ Թրամփը սպառնացել էր 100 տոկոսանոց մաքսատուրքեր սահմանել ռուսական նավթ գնող երկրների նկատմամբ, եթե Մոսկվան խաղաղության համաձայնագիր չկնքի Ուկրաինայի հետ։
Նախօրեին էլ Թրամփը հայտարարել էր Հնդկաստանի նկատմամբ 25% մաքսատուրքեր սահմանելու մասին։
Թարգմանությունը՝ Էմմա Չոբանյանի
