06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Գետամեջի թռչնաֆաբրիկայի տանիքում բռնկված հրդեհը մարվել է
30.07.2025 | 16:02
Կոտայքի մարզի Գետամեջ գյուղում գտնվող թռչնաֆաբրիկայի տանիքում բռնկված հրդեհը հրշեջ փրկարարները մարել են։ Այս մասին հաղորդում են ՆԳՆ փրկարար ծառայությունից։
Հիշեցնենք, որ հուլիսի 30-ին, ժամը 10:06-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Կոտայքի մարզի Գետամեջ գյուղում գտնվող թռչնաֆաբրիկայի տանիքում։ Դեպքի վայր էին մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից հինգ մարտական հաշվարկ և օպերատիվ խումբ, ինչպես նաև Ճգնաժամային կառավարման ազգային կենտրոնի օպերատիվ և բժշկական ապահովման հերթապահ խմբերը։
Պարզվել էր, որ հրդեհը բռնկվել է Գետամեջ գյուղի 2-րդ փողոցում գտնվող թռչնաբուծական ֆաբրիկայի չշահագործվող մասնաշենքերից մեկի տանիքում (մոտ 1000 քմ): Հրդեհը մեկուսացվել է ժամը 11։05-ին, մարվել՝ 12։20-ին: Այրվել են տանիքի փայտե կառուցատարրերը և իզոգամ
(մոտ 800 քմ):
