18.02.2026 | 10:32
NYMEX․ Ոսկու գինը նվազել է 1.92%-ով և կազմել 4874.50 դոլար
Թուրքիայում շարունակում են մոլեգնել անտառային հրդեհները
Քաղաքականություն
29.07.2025 | 13:52
Թուրքիայի ողջ տարածքում ջերմաստիճանը գերազանցում է սեզոնային նորման։ TRT Haber-ի հաղորդմամբ՝ 56 նահանգներում ջերմաստիճանը գերազանցում է 40 աստիճանն ըստ Ցելսիուսի սանդղակի։ Թուրքիայի պետական օդերևութաբանական ծառայության տվյալների համաձայն՝ երկրի տարածքում ջերմաստիճանը նորմայից բարձր է 6-ից 12 աստիճանով։
Ամենաբարձր ջերմաստիճանը նախօրեին գրանցվել է Շըրնաք նահանգի Ջիզրե շրջանում՝ հասնելով 48.7 աստիճանի։
Զուգահեռ տարբեր շրջաններում շարունակում են մոլեգնել անտառային հրդեհները։ Բուրսայում հրդեհը շարունակվում է արդեն չորրորդ օրը։
Թուրքական լրատվամիջոցները հաղորդում են, որ հուլիսի 26-ին Բուրսայի Օրհանելի շրջանի Յաքուփլար թաղամասի անտառածածկ տարածքում բռնկված և Հարմանջըք շրջան տարածվող հրդեհի դեմ պայքարը շարունակում են իրականացնել Անտառտնտեսության տարածաշրջանային վարչությունը և հրշեջները։ Երեք մարդ զոհվել է, երբ հրդեհաշիջման համար ջուր տեղափոխող մեքենան շրջվել է։
Չաքմաք և Չամօղլու թաղամասերի միջև ընկած անտառածածկ տարածքում կրակի դեմ պայքարին միացել են ինքնաթիռներ և ուղղաթիռներ։ Մի շարք գյուղական բնակավայրերի բնակիչներ տարհանվել են։
Թարգմանությունը՝ Էմմա Չոբանյանի
