05.11.2026 | 23:32
Հայաստան-Լիտվա համագործակցություն․ Վահան Կոստանյանը աշխատանքային այցով մեկնել է Վիլնյուս
Բաքվի դատարանում Արցախի ղեկավարների շինծու նիստում կրկին «տուժողներ» են ցուցմունք տալիս
Քաղաքականություն
25.07.2025 | 18:12
Բաքվում ընթանում է Արցախի ղեկավարների, տարբեր պաշտոնյաների նկատմամբ հարուցված շինծու գործերով դատական նիստը՝ դատավոր Զեյնալ Աղաևի նախագահությամբ։ Ադրբեջանական լրատվամիջոցները հայտնում են, որ կրկին «տուժողներն» են ցուցմունքներ տալիս։
Մասնավորապես, «տուժող» Վելիահադ Վելիևն ասել է, թե 2020 թվականի 44-օրյա պատերազմի ժամանակ, հոկտեմբերի 22-ին Զանգիլանում գերի է ընկել Հայաստանի զինված ուժերի կողմից՝ ստանալով հրազենային և բեկորային վերքեր։ Նա նշել է, թե իր զինակիցները նույն ժամանակ զոհվել են։
Նա պատմել է, թե, իբր, «գերության ժամանակ իրեն խոշտանգել են աքցանով, ձեռքերով և ոտքերով հարվածել դեմքին, ինչպես նաև մահակով հարվածել ոտքերին ու ձեռքերին»։ Նրան Ադրբեջանին են փոխանցել դեկտեմբերի 14-ին։
Հիշեցնենք,որ նախօրեին տեղի ունեցած նիստում էլ ավելի քան 60 «տուժող» էր ցուցմունք տվել։
Թարգմանությունը՝ Էմմա Չոբանյանի
