24.06.2026 | 10:50
Իրանի խորհրդարանի նախագահ Ղալիբաֆն այցով Ադրբեջանում է
Էրդողանը հայտնել է, որ Պուտինի և Թրամփի հետ կքննարկի Ստամբուլում հանդիպման հնարավորությունը
Քաղաքականություն
25.07.2025 | 17:22
Թուրքիայի նախագահ Ռեջեփ Թայիփ Էրդողանը հայտարարել է Ռուսաստանի և ԱՄՆ նախագահներ Վլադիմիր Պուտինի ու Դոնալդ Թրամփի հետ հեռախոսազրույցներ ունենալու ծրագրերի մասին՝ Ստամբուլում նրանց հնարավոր հանդիպման կազմակերպման հարցով։
Մեկնաբանելով Ռուսաստան-Ուկրաինա բանակցությունների արդյունքը՝ Էրդողանն ասել է. «Այս շաբաթ Պուտինի և Թրամփի հետ բանակցություններ վարելով՝ մենք կփորձենք տեսնել՝ արդյո՞ք կարող ենք առաջնորդներին միասին հավաքել Ստամբուլում»։
Հիշեցնենք, որ հուլիսի 23-ին Ստամբուլում տեղի է ունեցել ուկրաինական կարգավորման շուրջ ռուս-ուկրաինական ուղիղ բանակցությունների երրորդ փուլը: Կողմերի պատվիրակությունների՝ ընդլայնված կազմով բանակցությունները տևել են շուրջ 40 րոպե։
Թարգմանությունը՝ Էմմա Չոբանյանի
