07.07.2026 | 10:20
Ռոբերտո Մարտինեսը հեռանում է Պորտուգալիայի հավաքականից․ հայտնի է՝ ով է փոխարինելու նրան
ՔԿ նախագահ Արթուր Պողոսյանն ընդունել է ՀՀ-ում Հնդկաստանի դեսպանին
Հասարակություն
23.07.2025 | 16:48
Հայաստանի Հանրապետության քննչական կոմիտեի նախագահ Արթուր Պողոսյանն ընդունել է ՀՀ-ում Հնդկաստանի արտակարգ և լիազոր դեսպան Նիլակշի Սահա Սինհային: Այս մասին հաղորդում է Քննչական կոմիտե։
«Արթուր Պողոսյանը ողջունել է Նիլակշի Սինհային ՀՀ քննչական կոմիտեում՝ ընդգծելով երկու երկրների իրավապահ մարմինների միջև ձևավորված համագործակցությունը, որը հիմնված է փոխադարձ հարգանքի և բարեկամության վրա:
Դեսպանը շնորհակալություն է հայտնել հանդիպման նախաձեռնության համար և վստահեցրել, որ երկկողմ համագործակցությունն ունենալու է շարունակական զարգացում:
Հանդիպման ընթացքում կողմերը քննարկել են փորձի փոխանակման, քննիչների վերապատրաստումների հետ կապված ծրագրեր, ինչպես նաև իրավական փոխօգնությանն առնչվող հարցեր:
Արթուր Պողոսյանը բարձր գնահատելով Հնդկաստանի՝ որպես առաջատար և վստահելի գործընկերոջ դերը թվային քննության մեթոդների, միջազգային իրավական համագործակցության ոլորտում, անդրադարձել է քննիչների կարողությունների զարգացման կոնկրետ ոլորտների անհրաժեշտությանը, ինչը կարող է նպաստել վերջիններիս մասնագիտական կարողությունների զարգացմանը:
Կողմերի միջև պայմանավորվածություն է ձեռք բերվել Քննչական կոմիտեի աշխատակիցների մասնագիտական հմտությունների բարձրացման նպատակով Հնդկաստանում վերապատրաստումներ և դասընթացներ կազմակերպելու վերաբերյալ, որոնք միտված են լինելու փորձի փոխանակման միջոցով առավել արդյունավետ դարձնել կիբեռանվտանգության և տեղեկատվական անվտանգության ոլորտներում քննիչների կարողությունները:
Հանդիպման ավարտին կողմերն արձանագրել են, որ միջազգային հարցումներն ամբողջությամբ կատարվում են և իրավական փոխօգնության ոլորտում համագործակցությունը շարունակում է զարգանալ»,- հայտնում են քննչական կոմիտեից:
