10.12.2025 | 20:39
Հայաստան–Հունաստան հարաբերությունների խորացման նոր հնարավորություններ. Դավիթ Կարապետյանի հանդիպումը Լուկաս Ցուկալիսի հետ
Ուկրաինական պատվիրակությունը ժամանել է Թուրքիա՝ ՌԴ-ի հետ բանակցությունների
Քաղաքականություն
23.07.2025 | 16:44
Ուկրաինական պատվիրակությունը ժամանել է Թուրքիա։ Այս մասին հայտնում է «Суспільне новини»-ին՝ վկայակոչելով իր աղբյուրին։
«Թուրքիայի ներկայացուցիչների հետ հանդիպումները կսկսվեն Անկարայում։ Այնուհետև Ստամբուլում՝ Ռուսաստանի Դաշնության հետ բանակցություններ՝ առաջնորդների մակարդակով հանդիպում նախապատրաստելու վերաբերյալ»,- գրում է լրատվամիջոցը։
Կողմերը չեն հայտարարել «առաջնորդների մակարդակով հանդիպման» քննարկման մասին։ ՌԲԿ-Ուկրաինան, մինչդեռ, պնդում է, որ բանակցությունների հիմնական թեման «առաջնորդների հանդիպումն» է։
«Մեր պատվիրակությունը այնտեղ է եկել՝ հենց դա հաշվի առնելով», – ասել է աղբյուրը։
«Հիմնական խնդիրը, բացի մարդասիրական ուղղությունից, Ուկրաինայի և Ռուսաստանի Դաշնության առաջնորդների հանդիպում կազմակերպելն է», – գրում է նաև «Украинская правда»-ն։
Կրեմլն ավելի վաղ հաստատել էր, որ Վլադիմիր Մեդինսկիի գլխավորած ռուսական պատվիրակությունը մեկնել է Թուրքիա, որի բանակցությունները նախատեսված են չորեքշաբթի երեկոյան Ստամբուլում։
Սա բանակցությունների երրորդ փուլն է, որից երկրորդը տեղի է ունեցել հունիսի 2-ին և որևէ առաջընթաց չի արձանագրել խաղաղ կարգավորման գործում։
Թուրքական աղբյուրներն էլ հայտնում են, որ հանդիպումը կնախագահի Թուրքիայի արտգործնախարար Հաքան Ֆիդանը։ Սպասվում է, որ բանակցություններին մասնակցեն նաև Հետախուզական ծառայության տնօրեն Իբրահիմ Քալընը և ԶՈՒ Գլխավոր շտաբի պետ, գեներալ Մեթին Գյուրաքը։
Թարգմանությունը՝ Էմմա Չոբանյանի
