27.02.2026 | 14:57
Օդեսայի մարզում ռուսական հարձակման հետևանքով վիրավորներից մեկը 3-ամյա աղջիկ է
Ռուսական զորքերը հարձակվել են Զապորոժիեի, Դնեպրոպետրովսկի և Խարկովի վրա, ԱԹՍ-ն հարվածել Խերսոնի ռաբբիի մեքենային․ երկու մարդ զոհվել է, ևս յոթը՝ վիրավորվել
Քաղաքականություն
18.07.2025 | 10:59
Ռուսական զորքերը հուլիսի լույս 18-ի գիշերը հարձակվել են Զապորոժիեի, Դնեպրոպետրովսկի և Խարկովի մարզերի վրա, որի հետևանքով զոհվել է երկու մարդ, վիրավորվել՝ յոթը, գրում է Current time-ը։
Զապորոժիեի շրջանային ռազմական վարչակազմի ղեկավար Իվան Ֆյոդորովը հայտնել է, որ շրջանում «Շահեդ» տիպի անօդաչու թռչող սարքերի հարձակման հետևանքով հրդեհներ են բռնկվել, ավերվել են ոչ բնակելի շենքեր։ Վիրավորվել է 79-ամյա տղամարդ։ Նրա խոսքով՝ ռուս զինվորականները հարված են հասցրել կառավարվող ավիառումբերով Ստեպնոգորսկ համայնքի բնակելի շենքերին, հրդեհներ են բռնկվել մի քանի բազմահարկ շենքերում, 64-ամյա տղամարդ է զոհվել։
Դնեպրոպետրովսկի մարզի Պավլոգրադ շրջանը նույնպես ենթարկվել է անօդաչու թռչող սարքերի հարձակման: Ռազմական վարչակազմի ղեկավար Սերգեյ Լիսակի խոսքով՝ վնասվել է տրանսպորտային ձեռնարկություն, զոհվել է 52-ամյա տղամարդ, ևս երկուսը վիրավորվել են: «Ուկրզալիզնիցան» պարզաբանում է, որ անօդաչու թռչող սարքը հարվածել է էլեկտրաքարշին, մեքենավարը զոհվել է, իսկ նրա օգնականը՝ վիրավորվել:
Խարկովի մարզի Չուգուև քաղաքում ռուսական զորքերը հարվածել են բնակելի թաղամասերից մեկին։ Այս մասին հայտնել է քաղաքապետ Գալինա Մինաևան։
«Այս անգամ կա 4 վիրավոր, որոնք արդեն ստանում են բժշկական օգնություն։ Վնասվել են բնակելի շենքեր, ընտանեկան բժշկի կաբինետ և ուսումնական հաստատություն»,- գրել է նա։
Թարգմանությունը՝ Էմմա Չոբանյանի
