21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Խամենեիի խորհրդականը հայտարարել է, որ Ադրբեջանի կառավարությունն անում է գործողություններ, որոնք հակասում են իսլամական աշխարհի տեսակետներին
Քաղաքականություն
15.07.2025 | 21:27
Իրանի գերագույն հոգևոր առաջնորդ Ալի Խամենեիի միջազգային հարցերով խորհրդական Ալի Աքբար Վելայաթին Պակիստանի ներքին գործերի նախարար Մոհսին Նաքվիի հետ հանդիպման ժամանակ քննադատել է Ադրբեջանին։
«Դուք սերտ հարաբերություններ ունեք Ադրբեջանի հետ, բայց, միևնույն ժամանակ, պետք է նշել, որ Ադրբեջանի կառավարությունը ձեռնարկում է գործողություններ, որոնք հակասում են իսլամական աշխարհի տեսակետներին: Դրանց թվում են Ջոլանիի և սիոնիստական ռեժիմի միջև միջնորդությունը, ինչպես նաև նավթի արտահանումը Իսրայել՝ այս ռեժիմի կողմից Պաղեստինի ճնշված ժողովրդի դեմ հանցագործությունների գագաթնակետին: Կարող եք հարցնել նրանց, թե ինչու են ձեռնարկվում այս գործողությունները, որոնք հակասում են մուսուլմանների և իսլամական երկրների տեսակետներին»,- ասել է Վելայաթին՝ անդրադառնալով Կովկասյան տարածաշրջանում և Ադրբեջանում ստեղծված իրավիճակին։
Միջազգային լրատվամիջոցները հաղորդել էին, որ Իսրայելի և Սիրիայի ներկայացուցիչները հանդիպել են Ադրբեջանում անցած շաբաթ՝ հուլիսի 12-ին։ Հանդիպումը տեղի է ունեցել Սիրիայի անցումային շրջանի նախագահ Ահմեդ ալ-Շարաայի (Ջոլանիի) Բաքու կատարած այցի շրջանակում, ինչը նշանակալի իրադարձություն էր՝ հաշվի առնելով, որ Սիրիան և Իսրայելը վերջին երկու տասնամյակների ընթացքում թշնամական հարաբերությունների մեջ են եղել։
Բաքվում Ալ-Շարաան հանդիպել է Ադրբեջանի նախագահ Իլհամ Ալիևի հետ։ Արդյունքում համաձայնեցվել է Սիրիային գազի մատակարարումը։
Թարգմանությունը՝ Էմմա Չոբանյանի
