06.10.2026 | 11:31
Արի, տեսնեմ՝ ինչ ես ասում․ ԱԺ դահլիճում իրավիճակը դարձյալ լարվեց․ ՏԵՍԱՆՅՈՒԹ
Թուրքիան ուշադրությամբ հետևում է Հայաստանի և Ադրբեջանի միջև խաղաղության բանակցություններին. Էրդողան
Քաղաքականություն
13.07.2025 | 20:29
Թուրքիայի նախագահ Ռեջեփ Էրդողանը հայտարարել է, որ իր Թուրքիան ուշադրությամբ հետևում է Աբու Դաբիում Ադրբեջանի և Հայաստանի միջև սկսված խաղաղության բանակցություններին և շարունակելու է աջակցել Հարավային Կովկասում խաղաղության վերականգնմանն ուղղված ջանքերին։ Ադրբեջանական լրատվամիջոցների փոխանցմամբ՝ այս մասին հայտարարել է Թուրքիայի նախագահ Ռեջեփ Թայիփ Էրդողանը էմիրաթցի գործընկեր Մուհամեդ բին Զայեդ Ալ Նահյանի հետ հեռախոսազրույցի ընթացքում:
Էրդողանն ընդգծել է, որ Անկարան կարևոր քայլ է կատարել «ահաբեկչությունն ամբողջությամբ բացառելու ուղղությամբ» ինչպես Թուրքիայի, այնպես էլ ողջ տարածաշրջանի օրակարգից:
Հիշեցնենք՝ Աբու Դաբիում Փաշինյան-Ալիև երկկողմ հանդիպումը տևել է մի քանի ժամ։ Ավարտից հետո Հայաստանի և Ադրբեջանի արտաքին գործերի նախարարությունները գրեթե միաժամանակ հրապարակել էին հանդիպման արդյունքների վերաբերյալ նույնաբովանդակ հաղորդագրություն, որտեղ հայտնել էին՝ երկկողմ հանդիպմանը քննարկել են Հայաստան-Ադրբեջան միջպետական հարաբերությունների կարգավորման օրակարգի տարբեր ասպեկտներ։
