06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
Սպանվել է ՌԴ ԶՈւ ծովային հետևակի 155-րդ բրիգադի հրամանատարը. այս բրիգադի զինվորները մեղադրվում են Բուչայում կատարված հանցագործությունների մեջ
Քաղաքականություն
11.07.2025 | 20:05
Սպանվել է Ռուսաստանի զինված ուժերի 155-րդ առանձին ծովային հետևակի բրիգադի հրամանատար Սերգեյ Իլյինը։ Նրա մահվան մասին հաղորդագրություն է տարածել Չուվաշիայի Ուրմարսկի շրջանի վարչակազմը, գրում է Meduza-ն։
Հաղորդագրությունում նշվում է, որ Սերգեյ Իլյինը «կատարել է անմահ սխրանք՝ իր կյանքը զոհաբերելով հայրենիքի համար»։ Իշխանությունները չեն նշել, թե երբ և որտեղ է նա մահացել։
Z տելեգրամ ալիքների տվյալներով՝ Իլյինը մահացել է հուլիսի 2-ին՝ Ուկրաինայի զինված ուժերի կողմից Կուրսկի մարզի վրա հարվածի ժամանակ։ Նույն ժամանակ մահացել է նաև Ռազմածովային ուժերի գլխավոր հրամանատարի տեղակալ, գեներալ-մայոր Միխայիլ Գուդկովը, գրում է Astra տելեգրամ ալիքը։ Ռուսաստանի նախագահը հետմահու Միխայիլ Գուդկովին պարգևատրել է երկրորդ «Ոսկե աստղ» մեդալով։
Ուկրաինայի իշխանություններն ավելի վաղ 155-րդ ծովային հետևակի բրիգադի մարտիկներին մեղադրել են պատերազմական հանցագործությունների մեջ, այդ թվում՝ Կիևի մարզի Բուչա քաղաքում կատարվածի։
Բացի այդ, 2024 թվականի օգոստոսին և 2025 թվականի հունվարին բրիգադի մարտիկները մեղադրվել են մի քանի ուկրաինացի զինվորների գլխատման մեջ։
Թարգմանությունը՝ Էմմա Չոբանյանի
